بانوا بانوا - سعاد حسني
بانوا بانوا بانوا .. على اصلكوا بانوا
والساهي يبطل سهيانه
ولا غنى ولا صيت .. دوله جنس غويط
وكتاب ما يبان من عنوانه .. بانوا .. ايوه بانوا
جربنا الحلو المتعايق ابو دم خفيف
وبقينا معاه اخوه شقايق فاكرينه شريف
اتاريه مش كده على طول الخط
الطبع الردي من جواه نط
خلاص بقى مهما انشال وانحط
ما فيش دمعة حزن علشانه .. بانوا .. ايوه بانوا
وعرفنا سيد الرجاله .. عين الاعيان
من بره شهامه واصاله تشوفه تقول اعظم انسان
انما من جوه يا عينى عليا .. بياع ويبيع حتى والديه
واهو ده اللى اتعلمنا على ايديه .. القهر وقوة غليانه
بانوا .. ايوه بانوا
دوروا وشوكم عني شوية .. كفياني وشوش
ده اكم وش غدر بيا .. ولا ينكسفوش
وعصير العنب العنابي .. العنابي .. نقطة ورا نقطة يا عذابي
يكشفلي حبابي وصحابي .. يوحدني وانا في عز شبابي
القلب على الحب يشابي .. والحب بعيد عن اوطانه
بانوا .. ايوا بانوا
اهو كده بانوا .. على اصلكوا بانوا
دوروا وشوكم عني شوية .. كفياني وشوش
ده اكم وش غدر بيا .. ولا ينكسفوش
وعصير العنب العنابي .. العنابي .. نقطة ورا نقطة يا عذابي
يكشفلي حبابي وصحابي .. يوحدني وانا في عز شبابي
القلب على الحب يشابي .. والحب بعيد عن اوطانه
بانوا .. ايوا بانوا
اهو كده بانوا .. على اصلكوا بانوا
كلمات الشاعر: صلاح جاهين
الحان الموسيقار: كمال الطويل