الف ليلة وليلة - ام كلثوم
يا حبيبي .. الليل وسماه
ونجومه وقمره .. قمره وسهره
وإنت وأنا .. يا حبيبي أنا
يا حياتي أنا .. كلنا في الحب سوا
والهوى آه من الهوى
سهران الهوى يسقينا الهنا .. ويقول بالهنا
يا حبيبي يللا نعيش في عيون الليل
ونقول للشمس تعالي تعالي بعد سنه .. مش قبل سنة
دي ليلة حب حلوه بألف ليله وليلة
بكل العمر .. هو العمر إيه غير ليلة زي الليلة
ازاي ازاي ازاي .. أوصفلك يا حبيبي إزاي
قبل ما أحبك كنت إزاي
كنت ولا إمبارح فاكراه
ولا عندي بكره أستناه
ولا حتى يومي عايشاه
خدتني بالحب في غمضة عين
وريتني حلاوة الأيام فين
الليل بعد ما كان غربه مليته أمان
والعمر إللي كان صحرى صبح بستان
ياللا نعيش في عيون الليل
ونقول للشمس تعالي تعالي
بعد سنه .. مش قبل سنة
دي ليلة حب حلوه بألف ليلة وليلة
بكل العمر .. هو العمر إيه غير ليلة زي الليلة
يا حبيبي إيه أجمل من الليل
واتنين زينا عاشقين .. تايهين
ما احناش حاسين العمر ثواني والا سنين
حاسين اننا بنحب وبس
عايشين لليل والحب وبس
يا حبيبي الحب حياتنا وبيتنا وقوتنا
للناس دنيتهم واحنا لنا دنيتنا
وإن قالوا عن عشاقه بيدوبوا في نار أشواقه
أهي ناره دي جنتنا
و الحب عمره ما جرح
ولا عمر بستانه طرح .. غير الهنا وغير الفرح
يا حبيبي .. يللا نعيش في عيون الليل ونقول للشمس
تعالي تعالي بعد سنه .. مش قبل سنة
دي ليلة حب حلوه بألف ليله وليلة
بكل العمر .. هو العمر إيه غير ليلة زي الليلة
يا قمر ليلي .. يا ظل نهاري يا حبي
يا أيامي الهنية .. عندي لك أجمل هديه
كلمة الحب إللي بيها .. تملك الدنيا وما فيها
واللي يفتحلك كنوز الدنيا ديا .. قولها ليا
قولها للطير .. للشجر .. للناس .. لكل الدنيا
قولها .. الحب نعمه ... مش خطية
الله محبة .. الخير محبة .. النور محبة
يا رب .. تفضل حلاوة سلام أول لقا في إيدينا
وفرح أول ميعاد منقاد شموع حوالينا
ويفوت علينا الزمان يفرش أمانه علينا
يا رب
لا عمر كاس الفراق المر يسقينا
ولا يعرف الحزن مطرحنا ولا يجينا
وغير شموع الفرح ما تشوف ليالينا
يا حبيبي .. يللا نعيش في عيون الليل ونقول للشمس
تعالي تعالي بعد سنه .. مش قبل سنة
دي ليلة حب حلوه بألف ليله وليلة
بكل العمر .. هو العمر إيه غير ليلة زي الليلة
كلمات: مرسي جميل عزيز
ألحان: بليغ حمدي