عدوية - محمد رشدي
لما طرحت الشبك طلع الشبك خالي
ايه يعمل اللي اشبك في الحب يا خالي
صياد وخدت البحر راسمال
صياد ورحت اصطاد .. صادوني
طرحوا شباكهم برمش العين .. صابوني
اللي اشتريتهم زمان دلوقتي باعوني
ان كان ده وعد انكتب الصبر يا عيني
وصفولي الدوا حنضل وصبر ومر
دوقت التلاتة لقيت احلى ما فيهم مر
ان كان بدك تعاشر جدع زين
اسقيه قبل الحلاوة المر
وان لقيته على الود القديم صابر
سبل عيونك من فوق رموشها وقول
ادي الصاحب الجد اللي ينفع في الزمان المر
صياد ورحت اصطاد .. صادوني
طرحوا شباكهم برمش العين .. صابوني
اه يا ليل يا قمر والمنجه طابت ع الشجر
اسقيني يا شابة .. وناوليني حبة ميه
اسم النبي حارصك .. اسمك ايه ردي عليا
عدوية .. اه يا عدوي
اوعوا تحلوا المراكب .. والله يا ناس ما راكب
ولا حاطت رجلي في الميه .. الا ومعايا عدوية
اسمك عدويه يا صبية .. ورموشك شط
وانا طول عمري غريب في الميه .. بتشال وتحط
يا ام الخدود العنابي .. يا ام العيون السنغافي
يا مركب البحر الغالي .. يا حجاب حشيلوا في غيابي
مدي ايديك خديني .. خديني ولفلفيني السنين خديني
والله صورتك دي تنفع تزين الجرانين
اوعوا تحلوا المراكب .. والله يا ناس ما راكب
ولا حاطت رجلي في الميه .. الا ومعايا عدوية
في ايديا المزامير .. وفي قلبي المسامير
الدنيا غربتني .. وانا الشب الأمير
رمشك خطفني من اصحابي .. وانا ود صياد
لفيت بلاد .. وبلاد .. وبلاد
اتاريكي ساكنه الناحية دي .. يا سلام يا ولاد
من كان يقول البصه دي تصطاد صياد
اوعوا تحلوا المراكب .. والله يا ناس ما راكب
ولا حاطت رجلي في الميه .. الا ومعايا عدوية
دوار .. يا ناسيني الشوق دوار
يا ممشيني كذا مشوار
في الموج نحتار .. ليل ويا نهار
عدويه .. اهي .. ضحكتها نهار
عدويه اهي .. شمس واسرار
اوعوا تحلوا المراكب .. والله يا ناس ما راكب
ولا حاطت رجلي في الميه .. الا ومعايا عدوية
كلمات: عبد الرحمن الابنودي
الحان: بليغ حمدي