قالتلي بكره - فريد الاطرش

قالتلي بُكره .. وادي احنا بكره
لو صدقت تبقى مش بايعاني

لو خلفت مش حاقول ناسياني
ح اقول بكرا هو اللى ماجاشِ

وح استنى ليه ما استناشِ لحد بُكره

وليه الحيرة بتسبق فى قلبي وفايتة بتْمَسّي

حرام يعني الامل يشفق عليّ مرة من نفسي

والا يعني كثير عليّ فرحتي الحلوة اللى جاية

مش جايز تُصدق وتجيني وتكذّب خوفي اللى ماليني

طلعت يافجر بدري مش كنت تستنى فجري

كان بدي تستنى شوية واعرفك بيها

وتشوف الفجر على اصله فى خدودها وعينيها

لو شفتها وعرفتها حسنك يتوه فيها

زمانها جاية كمان شوية

لو حتى غابت كان عَلَيّ ده وعد منها ومنها هى

كلمات: حسين السيد

ألحان:فريد الأطرش

اغاني زمان