حسيبك للزمن - ام كلثوم
حسيبك للزمن لا عتاب ولا شجن
تقاسي من الندم وتعرف الألم
تقاسي من الندم وتعرف الألم
تشكي مش ح اسأل عليك
تبكي مش ح ارحم عينيك
تبكي مش ح ارحم عينيك
يا للي ما رحمتش عينيا
لما كان قلبي فى ايديك
لما كان قلبي فى ايديك
دارت الايام .. دارت الايام عليك
الزمن حيدوّقك فى البعد ناري
الزمن هو اللى حيخلصلي تاري
الزمن هو اللى حيخلصلي تاري
كل غدر وكل ليل سهرتهولي
كل هجر وكل جرح تركتهولي
كل هجر وكل جرح تركتهولي
كله حترده الليالي
كله حترده الليالي عليك بدالي والزمن
كله حترده الليالي عليك بدالي والزمن
يوم من الايام حتحتاج عطف قلبي
يوم من الايام حتتلهف لقربي
يوم من الايام حتتلهف لقربي
د انت مش حتلقى ابدا زي حبي
بكرة تتمنانى احاسبك او الومك او اعاتبك
مش ححاسبك مش حاعاتبك
لا دنا كفاية اني سبتك للزمن
لا دنا كفاية اني سبتك للزمن
رايحه اسيبك للي ما بيرحم ولاتقدر عليه
مش حاقول انت عارف الزمن حيعمل ايه
الزمن دايما حالات ياما بيغير حاجات
كل ما بيدور بيبدل مطرح الضحك الآهات
تشكي مش حأسال عليك .. ابكي مش حارحم عينيك
ياللي ما رحمتش عينيا لما كان قلبي فى ايديك
كلمات: عبد الوهاب محمد
ألحان: رياض السنباطى