اعلان

مش كفاية - فريد الاطرش

مش كفاية يا حبيبى مش كفاية 
ابتسامك أو سلامك مش كفاية
عايزك انت .. قلبك انت 
وابقى جنبك من البداية للنهاية
أعمل ايه يا حبيبي



اللى فات من عمرى بتندم عليه 
ما تقابلناش من زمان مع بعض ليه 
والعيون لو تنحرم يا حبيبى منك 
تبقى ايه فايدتها واعمل بيها ايه 
وانت عارف كل حاجة 
بس ده مش كل حاجه 
ده انت لو تطلب عينيا مش كفايه 
وان سألت كتير عليا مش كفايه 
عايزك انت .. قلبك انت 
وابقى جنبك من البداية للنهاية
اعمل ايه يا حبيبى 

روحى قلبى عينى احلامى الجميلة 
سبتهوملك اعمل ايه ما بيدي حيلة 
والظنون يا حبيبى بتمر فى خيالى 
زى دمعة عين فى ليلة شوق طويلة
وانت عارف كل حاجة .. بس ده مش كل حاجة 
لو ملكت الدنيا ديا مش كفاية 
حتى لو فكرت فيا مش كفاية
عايزك انت .. قلبك انت 
وابقى جنبك من البداية للنهاية 
اعمل ايه يا حبيبى


كلمات: فتحي قورة
ألحان: فريد الأطرش

Share this

شاركشارك