اول ما كتب القلم مع الموال - العربي فرحان البلبيسي
يا رب .. قصدت بابك وغير بابك ما قصدتوش
قالي بابي مفتوح عمري ما قفلتوش
يا سابل الستر استرها ما تفضحهاش
ولغيرك انت ابدا ما تحوجناش
والحق يعلى واحنا ع الحق ما نعلاش
يا واخد العقد على عمك يا ابويا ما تعلاش
ولغيرك انت ابدا ما تحوجناش
والحق يعلى واحنا ع الحق ما نعلاش
يا واخد العقد على عمك يا ابويا ما تعلاش
زي اللي قبلنا ما قالوا العين ع الحاجب ما تعلاش
واذا كنت بتحب حب بس لازم .. لازم تكون حساس
وفتش على روحك يا حبيبي
قبل ما تفتش يا واد عالناس
قبل ما تفتش يا واد عالناس
وانظر لبيتك ولا تنظرش لبيوت الناس
واللي ما ترضهوش على روحك
ما ترضهوش يا خويا عالناس
كلام حاقوله من قلبي وياريت يسمعهوه الناس
ياما فات ع الدنيا فتوات قبلنا يقولوم احسن ناس
صبحوم رمايم يا خويا ويدهوسوم عليهم الناس
اسمع كلام ربنا العزيز
اللي قاله لجميع الناس
وجنة الخلد حيدخلها من الناس
الكاظمين الغيظ والعافين عن الناس
الكاظمين الغيظ والعافين عن الناس
وكمل السطر بمحمد رسول الله
قال هو حبيبي ومحبوبي هوا خير خلق الله
واللي يصلي ع الحبيب النبي يا فرحته ياهناه
واللي هاتعمله النهاردة بكرة أمام الكريم تلقاه
يا آل بيت النبي أنا هانديكم
طمعان في نظرة رضا ليا العشم فيكم
طمعان في نظرة رضا ليا العشم فيكم
أنا ليا أربعة في وقت الضيق بناديهم
سيدنا الحسن والحسين والسيدة والإمام علي أبيهم
سيدنا الحسن والحسين والسيدة والإمام علي أبيهم
من الحبيب النبي أنا ليا العشم فيهم
وإزاي يا سيدنا الحسين وأنا روحي مولانا مولانا
سيدنا الحسين سيدنا الحسين ولي النعم شباب الجنة
أبا العلمين شيخ العرب يا بدوي يا أبو السباع
يا آل البيت يا أهل البيت يا آل البيت
يا آل بيت النبي آه
يا آل بيت النبي أمانة ما تفوتنيش
عايز أنول مطلبي بس ف حماكم أعيش
الناس شافوني بابكي يا سيدي يا عبدالرحيم يا قناوي
قالولي ماتبكيش
أنا قلت أنا بابكي على حالي
يا خلق ماتلومنيش
ضيعت مالي على جرحي وعايز أعيش
وبدل ما ألبس حرير يعجبني لبس الخيش
وبدل ما آكل طيور متنضفة من الريش
آكل بملحي حصى ... وأغمسه بالعيش
يا عيني يا عيني
نزلت بحر الحبيب النبي ولا خفت من الطراطيش
نادى عليا المراكبي وقالي لي ماتعديش
أنا قلت ليه يا حبيبي عديني وخد بقشيش
عايز لجرحي دوا يا أحمد يا بدوي لفيت مابلقيش
قمت اشتكيت الطبيب اللي ماعالجنيش
القاضي شاف شكوتي زعل ومانصفنيش
قال يا جريح الهوى إذا كنت غويت سافر إلى مصر
واشكي لمولانا لسيدنا الحسين حالاً هاتنول آمالك
يا حبيبي وتتهنى مع الدراويش