تلات سلامات - محمد قنديل
تلات سلامات يا وحشني تلات ايام
بايدي سلام وعيني سلام وقلبي سلام
بعادك يا جميل طول .. وده أول بعاد بيطول
تلات ايام يا روح قلبي .. وانا جنبي حسود وعزول
يقسوني عليك ما اقسى .. ينسوني هواك ما انساه
يا مالي الدنيا في عينيا
تلات سلامات وشويه .. تلات سلامات
عرفت الوحده ايه هي .. وايه ايامي في بعادك
وشوفتك هادي في الدنيا .. ولا فكرت في عتابك
وعدتك ليه وانا بحبك .. واقولك ايه وانا بحبك
يا مالي الدنيا في عينيا
تلات سلامات وشويه .. تلات سلامات
عيونك سود واقول مش سود .. عشان الناس تتوه عنك
واصونك من عزول وحسود .. واغير حتى عليك منك
ولو قلبك سأل قلبي .. ح يعرف اد ايه حبي
يا مالي الدنيا في عينيا
تلات سلامات وشويه .. تلات سلامات
تلات سلامات يا وحشني تلات ايام
بايدي سلام وعيني سلام وقلبي سلام
كلمات: مرسي جميل عزيز
الحان: محمود الشريف
كلمات: مرسي جميل عزيز
الحان: محمود الشريف