طيب ياليل - ميادة الحناوي

طيب يا ليل .. يا ليل طيب 

الفرحة فيك لسه بعيدة 
والحزن هو اللي قريب 

راحو اللي كانوا يحبوني 
وكنت اعطش يسقوني 

ويضحكوني مــن قلبي 
ويمســحوا دمع عيوني 

سهرتني ياعيني يا ليلي
دمــوعي حــرقت منديلي

عيوني ناحوا ما حبايبي راحوا 
والقلب نـــايم حاضن جراحه

طيب يا ليل .. يا ليل طيب 

الفرحة فيك لسه بعيدة 
والحزن هو اللي قريب 

كان لينا احباب كان لينا 
قمر منور ليالينا 

نسمة في حر الصيف كانوا 
يهونوا السكة علينا 

سهران يا قلبي يا وحداني 
والغنوة دبلت في لســـاني

عيوني ناحوا ماحبايبي راحوا 
والقلب نـــايم حاضن جراحه

طيب يا ليل .. يا ليل طيب 

الفرحة فيك لسه بعيدة 
والحزن هو اللي قريب 

كلمات: عبدالرحمن الأبنودي 

ألحان: عمار الشريعي 

سيدي انا - ميادة الحناوي

سيدي أنا الهجر ده طوّل عليّا 

سيدي أنا طال الجفى يكفى أسيّة 

وتعالى يوم سلّم على قلبي وسامحني 

وتعالى قول إيه زعّلك مني وصارحني

ولا ده طبعك يا حب عمري فى الهوى والدلال 

ولا ده بختي ومكتوب عليّا أعشق الشيء المحال 

سيدي أنا أمتى اللقا .. أمتى يعود بينا الصفى 

سيدي أنا فات كام سنة لكن ده من طبعي الوفا

سيدي أنا سيدي أنا سيدي .. إبعت لخلّك طمنّه وحياة عينيك 

سيدي أنا سيدي أنا سيدي .. بُعدك يا روحي مجنّنه ده حرام عليك 

والرحمة يا سيدي أنا ده الشوق قاتلني 

الرحمة ده بقالك سنين ما سألت عنّي 

ولا ده طبعك يا حب عمري في الهوى والدلال 

ولا ده بختي ومكتوب عليّا أعشق الشيء المحال

سيدي أنا أمتى اللقا .. أمتى يعود بينا الصفى 

سيدي أنا فات كام سنة لكن ده من طبعي الوفا

سيدي أنا سيدي مين علّمك مين كُتر التجنّي 

دوّبني الشّوق ميّل بقى ليلة وناديني 

ميّل حتروق جبني يا نور قلبي وعيني 

ولا ده طبعك يا حب عمري فى الهوى والدلال 

ولا ده بختي ومكتوب عليّا أعشق الشيء المحال

سيدي أنا أمتى اللقا .. أمتى يعود بينا الصفى 

سيدي أنا فات كام سنة لكن ده من طبعي الوفا

كلمات: عبدالوهاب محمد 

ألحان: بليغ حمدي 

حبك ما ينتهيش - ميادة الحناوي

حبك ما ينتهيش مخلوق عشان يعيش

اداني عمري ثاني غير عمري الأولاني

رجعت ضحكة شفايفي ورجعت تاني الأغاني

يـا حبيب الروح والعين يـا زماني وأحلى سنين

يـا مالكني بخاطري وبرضايا وأوامرك جاية على هوايا

من اللي ينهي حبك غير اللي قاله عيش

يـا حبيبي هدي قلبك حبك ما ينتهيش

زي الحلم اللي بيخطفنا في رحلة بعيدة 
ويرجعنا بعد ماشفنا دنيا جديدة

خذني هواك .. سفرني معاك
على طول بس .. ما رجعنيش

حب حقيقي بيؤمر شوقي 
حتى في قربك ما يسيبنيش

متهيألي اللي حصلي أترجى العمر ما يمشيش
وأسبق عمري ساعات على فجري 
وأقوله افضل هنا ما تجيش

هو احنا كنا زمان عايشين .. ما اظنش يا قلبي

وفاتت ازا ي السنين .. قبل حكاية حبي

بيك ومعاك ياحبيبي بصدق حلم الحب اللي بيتحقق

حبك يومي وبكرا وبعده وحياة قلبي وشوقه وسهده

روحي وروحك قبل ما ندرى .. على رحلة عمرهم تعاهدوا

ياللي نسيت واياك الماضي بعذابه وحيرته وجراحه

ولقيت قلبي كمان بقى راضي ينسى معاك حتى أفراحه

قلبي اتكلم لما تعلم معنى الحب وجنة قربه

حب حياته، عاش أوقاته .. قال للناس : حبوا وحبوا

أتمنالكم مع حبايبكم قرب وفرحة عمر وقسمة

وأنت يـا حبي عش مع قلبي أكبر حب وأكبر نعمة

ما اقدرش أقول بحبك وأسكت كده على طول

لازم أقول أقول بحبك وأفضل وأقول

حبك ما ينتهيش مخلوق عشان يعيش

كلمات : عمر بطيشة

ألحان : سيد مكاوي

فاتت سنة - ميادة الحناوي

فاتت سنة 
حتى الجواب منهم ما وصلش 
 ما اقدرشى انا 
ع البعد دا انا ما اقدرش

مستخسرين فينا 
المراسيل فينا المراسيل 
او كلمتين اتنين منهم

مستكترين دا العمر قليل 
العمر قليل 
وحرام يضيع كده من غيرهم

واللي جرالنا ما يحصلش دا ما يحصلش 
والحب ناره . ناره ما ترحمش

مستخسرين مرسال يجينا تصوروا 
مستكترين الراحة لينا استكتروا

يا صبر ايوب قلبي مين حيصبره
ع البعد دا. دا حرام كده 

صبرنا ولا صبر ايوب فى زمانه يا بشر
جرحنا بعته لنا قبل آوانه القدر
اه يا بشر

مستخسرين فينا المراسيل فينا المراسيل ...

حبيناهم بعدوا عنا بالسنين 
دول بعدوا عنا بالسنين

وتاهوا منا قولولنا فين
قولولنا فين

هنيناهم تعبوا قلوبنا بالأنين 
دول تعبوا قلوبنا بالأنين 

ولا يوم دوبنا ومظلومين .. مظلومين 

دي السنين سألت عليهم  السنين .. السنين
والحنين  أهو بيناديهم .. الحنين 

نسأل مين .. ع الحلوين .. ع الغايبين 

ولا حد شاف بالحب أيام زينا 
ولا حد داق المر ده يوم قبلنا

مستخسرين فينا المراسيل فينا المراسيل ...

إيه  إيه  يا هوى
آخرتها إيه  يا هوى 

استنّيناهم  ولا سألوا فينا 
ولا جتنا منهم  كلمة تراضينا 

وبعدين معاهم .. يا هوى .. يا يا هوى

ليه .. ليه  ياهوى .. تتعبنا ليه يا هوى 

اترجّيناهم  يحسّوا بينا 
غلي كلامهم  قوي علينا 

في ليل لقاهم  يا هوى .. يا يا هوى

فين يا هوى ضاعت سنين  
لكن فداهم 

دول نور عينينا  
واحنا عشانهم  ياما ضحّينا 
ولا نسيناهم يا هوى 

مين يا هوى .. يشفينا مين الهوى 
بس يداوينا  لما قلوبهم  
تحن لينا ونسمع نداهم يا هوى 

أغلى الحبايب 
 ومهما عملوا فينا وجرّحونا .. دول مننا 

باين عليهم  
مهما فاتونا أو غلّبونا  دول أهلنا 
اغلى الحبايب

مستخسرين فينا المراسيل فينا المراسيل .... 

كلمات: سيد مرسي 

ألحان: بليغ حمدي

الحب اللي كان - ميادة الحناوي

كان ياما كان الحب مالي بيتنا و مدفينا الحنان 

زارنا الزمان سرق منا فرحتنا والراحة و الأمان 

حبيبي كان هنا مالي الدنيا عليٌا .. بالحب والهنا

حبيبي يا انا يا اغلى من عينيٌا .. نسيت من انا

انا الحب اللى كان .. اللي نسيته قوام من قبل الآوان 

نسيت اسمى كمان .. نسيت يا سلام

على غدر الإنسان .. و الله زمان يا هوى زمان 

ياحبيبي جيت أنا ليه فى الدنيا ديا .. إلا عشان احبك

عشان يدوب عمري .. من جرح غدرك بدري 

شمعة ورا شمعة .. و تعيش انت لفرحك

ياحبيبي فداك انا و السنين اللى جاية

فداك قلبى اللى حبك

امشي فوق همى فوق دمعي و غمي 

و لا تنزلش دمعه ليلة فوق خدك ..

و أه من حرقة الآه .. داب الحجر

و آه من قلبى جواه .. حب اتقتل

آه عالعشاق هوى من غير أمل .. آه 

و الشكوى لله .. مش للبشر 

عسل ومر انت .. وفاء وغدر انت .. و حب العمر انت

كدبة .. كدبة ..  انت كدبة لكن أحلى كدبة 

بعتهالي الزمان .. بعتهالي الزمان 

رقة .. رقة .. رقة إنت رقة لكن شوك و دمعه 

و بحر من الأحزان .. بحر من الأحزان 

زمان لما جيت زمان .. زمان

بعد غيابك سنين .. و على قلبى ناديت 

رديت حبيبي جاني .. اشتاق لحبيبه تاني 

لحبي .. لحناني .. و ياريتني ما رديت 

زمان كان لينا بيت .. زمان .. زمان 

و اصحاب طيبين .. يبكوا لو يوم بكيت 

و يخافوا عليك يا غالي .. و عليا من الليالي

من همسه و من كلمه و يدوبوا لو غنيت 

زمان .. زمان

كلمات: بليغ حمدي 

ألحان: بليغ حمدي 

حبينا واتحبينا - ميادة الحناوي

 حبينا .. حبينا .. حبينا و اتحبينا

بعد ما قلنا الزمان .. دوبنا بالأحزان .. بالحب اتلقينا 

و الفرحة رجعت لينا .. و الدمع خلاص نسينا

يا حلاوة الحب آه .. و حبيبي و أنا وياه

بنسى العالم ده كله .. من اللهفه بقول الله

الله .. الله .. الله من اللهفة بقول الله

الله .. الله .. يا حلاوة الآه لما يقولها وبقولها معاه

الله .. الله .. الله .. الله

وردية يا الدنيا لسه

دايبه وياه فى همسه .. طايره وياه في نسمه

و مسافرة للسما .. ومسافره للسما

حولينا كثير حبايب 

ولا حد منهم غايب .. فيهم غرباء وقرايب

بيباركولنا الهناء .. بيباركولنا الهناء

يا حلاوة الحب آه .. و حبيبي و أنا وياه

بنسى العالم ده كله .. من اللهفه بقول الله

الله .. الله .. الله من اللهفة بقول الله

الله .. الله .. يا حلاوة الآه لما يقولها وبقولها معاه

الله .. الله .. الله .. الله

أهلا حبي الجديد

أهلا يا أحلى عيد .. دقيت باب المواعيد

و فتحنا قلبنا .. و فتحنا قلبنا

قادت شمعه ليالينا 

ضحك الدمع في عينينا .. وكأننا تلاقينا

زمان من صغرنا .. زمان من صغرنا 

يا حلاوة الحب آه .. و حبيبي و أنا وياه

بنسى العالم ده كله .. من اللهفه بقول الله

الله .. الله .. الله من اللهفة بقول الله

الله .. الله .. يا حلاوة الآه لما يقولها وبقولها معاه

الله .. الله .. الله .. الله

يا رحلة ما تنتهيش ..

يا حلاوة ما تتنسيش .. نفسي اموت واعيش

في دنيتوا انا .. في دنيتوا انا

نظرة عيني تدفيه ..

وبكل الشوق اسقيه .. وازرع نفسي بلياليه

نجوم ملونه .. نجوم ملونه ..

يا حلاوة الحب آه .. و حبيبي و أنا وياه

بنسى العالم ده كله .. من اللهفه بقول الله

الله .. الله .. الله من اللهفة بقول الله

الله .. الله .. يا حلاوة الآه لما يقولها وبقولها معاه

الله .. الله .. الله .. الله

كلمات: عبدالرحيم منصور

الحان: بليغ حمدي