وبتسأل يا حبيبي - عفاف راضي

وبتسأل يا حبيبي بحبك قد ايه

ده حبك يا حبيبي بالعالم واللي فيه

بالشمس والقمر .. بالنجمة والسهر 
بالنسمة والسفر ..بالبحر والشجر
ده حلم أنا عايشة بيه
وبتسأل يا حبيبي بحبك قد ايه
ده حبك يا حبيبي بالعالم واللي فيه .. بالعالم واللي فيه

حبك شمس الليالي .. حبك نسمة صباح
و قلبي في العلالي لهواك فارد جناح
العالم بين ايديك
وبتسأل يا حبيبي بحبك قد ايه
ده حبك يا حبيبي بالعالم واللي فيه

لما تغيب عن عنيا يغيب عني الوجود
ولا تبقى الدنيا دنيا إلا لما تعود
وعمري التقيك
وبتسأل يا حبيبي بحبك قد ايه
ده حبك يا حبيبي بالعالم واللي فيه

حبك هو الربيع .. حبك زهر المنى
لولاه قلبي يضيع .. ولولاك ماكنت أنا
و أعيش ازاي و ليه
وبتسأل يا حبيبي بحبك قد ايه
ده حبك يا حبيبي بالعالم واللي فيه


كلمات: سيد حجاب
الحان: عمار الشريعي

ابعد يا حب - عفاف راضي

ابعد يا حب ابعد بقولك لأة 
ولا عمري حاغلط يوم وأقولك آه

لا أنا قد دمعة عين في ليلة فُرقة 
ولا قد رمشك والمخبي وراه

مهما تواعدني حاقولك بكرة 

ويجي بكرة وأقولك بكرة 

يعني النهاردة بقولك لأة

وبكرة مش راح أقولك آه

ابعد يا حب بلاش تخايل بيا 

لياليا حلوة مرة أهي لياليا

هي صحيح مالهاش لا لون ولا معنى 
ولا حاجة تسعدنا ولا تنفعنا 

لكن دي راحة البال كفاية عليا
وهى راحة البال يا عيني شوية 

مهما تواعدني حاقولك بكرة
ويجي بكرة أقولك بكرة 

يعني النهاردة بقولك لأة 
وبكرة مش راح أقولك آه

ابعد يا حب بلاش تفوت ناحيتنا 
وان فوت ما تبصش لبلكونتنا 

لأرمي عليك رمشي يجيبك صاحي
ويسهرك زى النجوم صباحي

لا تطول سما ولا ارض في محبتنا
ولا ينفتحلك حتى شباك بيتنا

مهما تواعدني حاقولك بكرة
ويجي بكرة أقولك بكرة

يعنى النهاردة بقولك لأة
وبكرة مش راح أقولك آه

ابعد وخبي عينيك طاوعني 
لأحبك وبلاش تقيد النار

لا تحرق قلبك قلبي عليك 
خايفة عليك صدقني

لتغرق أنت قبل ما تغرقني
مهما تواعدني حاقولك بكرة 

ويجي بكرة أقولك بكرة
يعني النهاردة بقولك لأ

وبكرة يمكن أقولك آه

كلمات: الشاعر مرسي جميل عزيز

ألحان: مراد منير

روحوا اسألوه - عفاف راضي

روحوا اسألوه 
مين فينا قاسا ومين رضي يبيع اللي كان

روحوا اسألوه 
مين اللي ما رضيش بالهوى وأيام زمان

 وحياة زمان الحب والليل والسهر 
وحياة سنين العشرة في عيون القمر
هو اللي فاتلي في قلبي جرح وآه ونار
هو اللي خان

روحوا اسألوه 
مين فينا قاسا ومين رضي يبيع اللي كان
روحوا اسألوه 
مين اللي ما رضيش بالهوى وأيام زمان

لأ مش أنا
أنا لا ما بعتش يوم لقانا وحبنا 
لأ مش أنا
أنا كنت واعداه في الليالي ع الهنا 
هو اللي غير سكته عن سكتي 
هو اللي فرق دنيته عن دنيتي 
من بعد عشرة كام سنه 
أحلامنا بتضيع مننا والماضي هان

وحياة زمان الحب والليل والسهر 
وحياة سنين العشرة في عيون القمر 
هو اللي فاتلي في قلبي جرح وآه ونار 
هو اللي خان

روحوا اسألوه 
مين فينا قاسا ومين رضي يبيع اللي كان 
روحوا اسألوه 
مين اللي ما رضيش بالهوى وأيام زمان،

إيه غيره 
إيه خلى قلبه يبيع هوانا ويهجره 
إيه غيره 
ده البعد عمري ما كنت يوم أتصوره
 ليه بس ضيعت الهوى كل الهوى 
والجرح عود دمعتي تبقى الدوا،
ياما نفسي حد يفكره
 قلبي اللي جارحه وسهره
 محتاج حنان

وحياة زمان الحب والليل والسهر 
وحياة سنين العشرة في عيون القمر
هو اللي فاتلي في قلبي جرح وآه ونار
هو اللي خان

 روحوا اسألوه 
مين فينا قاسا ومين رضي يبيع اللي كان
روحوا اسألوه
مين اللي ما رضيش بالهوى وأيام زمان

احبك - عفاف راضي

احبك .. احبك .. احبك

 بعيوني والا بقلبي 

والا بروحي والا بعقلي 

والا حياتي والا مشاعري 

والا بعمري اللي جاي

بكلمه والا بهمسه والا بنظره 

والا بلمسه انا لو حبي قليل لسه 

علمني احب ازاي

انا بعشق كل ما فيك 

وبغير من النسمه عليك

كل الحب دا كله 

مش راضي ولا مكفيك

احبك .. احبك .. احبك

بعيوني والا بقلبي 

والا بروحي والا بعقلي 

والا حياتي والا مشاعري 

والا بعمري اللي جاي

بكلمه والا بهمسه والا بنظره 

والا بلمسه انا لو حبي قليل لسه 

علمني احب ازاي

حبيبي وانت عارف 

وبعينك انت شايف

بحبك كتير والحب 

واصل منتهى

قدامي في كل يومي 

ومعايا في عز نومي

وغرامك عندي بالعالم 

دا كله بالحياه

جاي تسألني .. يا حتة مني

لسه بحبك .. ايوه بحبك

انا بعشق كل ما فيك 

وبغير من النسمه عليك

كل الحب دا كله 

مش راضي ولا مكفيك

احبك .. احبك .. احبك

بعيوني والا بقلبي 

والا بروحي والا بعقلي 

والا حياتي والا مشاعري 

والا بعمري اللي جاي

بكلمه والا بهمسه والا بنظره 

والا بلمسه انا لو حبي قليل لسه 

علمني احب ازاي

اه يا ناري .. اه يا ويلي 

نهاري .. زي ليلي

مش عارفة يوم افكر 

غير في حبك وبهواك

مش عايشة .. غير عشانك 

مش عاشقة .. غير حنانك

مش عايزة من الزمان 

غير اني بس اعيش معاك

جاي بتسألني .. يا حتة مني

لسه بحبك .. ايوه بحبك

انا بعشق كل ما فيك 

وبغير من النسمه عليك

كل الحب دا كله 

مش راضي ولا مكفيك

احبك .. احبك .. احبك

بعيوني والا بقلبي 

والا بروحي والا بعقلي 

والا حياتي والا مشاعري 

والا بعمري اللي جاي

بكلمه والا بهمسه والا بنظره 

والا بلمسه انا لو حبي قليل لسه 

علمني احب ازاي

كلمات: مصطفى كامل

الحان: حسين محمود

انا ملك امرك - عفاف راضي

انا ملك امرك .. انا كلي ليك

والأمر امرك .. تؤمر عينيك

خذ حبي كله .. خذ قلبي كله

خذ عمري كله .. كله لو كدا يرضيك

يا مالك عيوني .. يا مالك حياتي

بحبك وبسهر عشانك ليلاتي

شاورلي تلاقيني .. عاهدتك سنيني

وشوقي وحنيني .. وعمري اللي آتي

خذ حبي كله .. خذ قلبي كله

خذ عمري كله .. كله لو كدا يرضيك

انا ملك امرك .. انا كلي ليك

والأمر امرك .. تؤمر عينيك

قابلتك هويتك .. وقلبك نداني

ويرف عمري .. مفيش حد تاني

وجودك معايا .. دا اجمل بدايه

يا اول حكايه .. كتبها زماني

خذ حبي كله .. خذ قلبي كله 

خذ عمري كله .. كله لو كدا يرضيك

انا ملك امرك .. انا كلي ليك

والأمر امرك .. تؤمر عينيك


كلمات: عوض بدوي
الحان: وليد سعد

راح وقالوا راح - عفاف راضي

راح وقالوا راح 

قلت يا ربي لسكة السلامه

راح وقالوا راح بس 

كان نفسي اقوله مع السلامه

فاتلي السهر فاتلي ابتسامه

فاتلي دموعي عندي امانه 

من غير ما اقوله 

كان نفسي اقوله مع السلامة

كان نفسي اقوله 

عشان ارتاح مع السلامه

كذبنا عالليالي وقلنا مرتاحين 

وضحكنا في بعده ياما 

وقلوبنا مجروحين

وقلنا يجي بكرة 

وراح وغاب سنين 

نلاقيها منين يا قلبي 

من الشوق وله الحنين

فاتلي السهر فاتلي ابتسامه

فاتلي دموعي عندي امانه

من غير ما اقوله مع السلامه

كان نفسي اقوله مع السلامه

كان نفسي اقوله عشان ارتاح 

مع السلامه

نادينا عالغايب وفايت بقلوبنا الاه

ما ردش علينا يا خسارة عشرتنا معاه

فين يا زماني ايامنا وفرحنا وياه

لا بيسأل علينا يعني والبعد نساه

فاتلي السهر فاتلي الابتسامه 

فاتلي دموعي عندي امانه

من غير ماقوله مع السلامه

كان نفسي اقوله مع السلامه

كان نفسي اقوله عشان ارتاح

مع السلامه

كلمات: محمد حمزة

الحان: بليغ حمدي