ابعد يا حب - عفاف راضي
ابعد يا حب ابعد بقولك لأة
ولا عمري حاغلط يوم وأقولك آه
ولا عمري حاغلط يوم وأقولك آه
لا أنا قد دمعة عين في ليلة فُرقة
ولا قد رمشك والمخبي وراه
ولا قد رمشك والمخبي وراه
مهما تواعدني حاقولك بكرة
ويجي بكرة وأقولك بكرة
يعني النهاردة بقولك لأة
وبكرة مش راح أقولك آه
ابعد يا حب بلاش تخايل بيا
لياليا حلوة مرة أهي لياليا
هي صحيح مالهاش لا لون ولا معنى
ولا حاجة تسعدنا ولا تنفعنا
ولا حاجة تسعدنا ولا تنفعنا
لكن دي راحة البال كفاية عليا
وهى راحة البال يا عيني شوية
وهى راحة البال يا عيني شوية
مهما تواعدني حاقولك بكرة
ويجي بكرة أقولك بكرة
ويجي بكرة أقولك بكرة
يعني النهاردة بقولك لأة
وبكرة مش راح أقولك آه
وبكرة مش راح أقولك آه
ابعد يا حب بلاش تفوت ناحيتنا
وان فوت ما تبصش لبلكونتنا
وان فوت ما تبصش لبلكونتنا
لأرمي عليك رمشي يجيبك صاحي
ويسهرك زى النجوم صباحي
ويسهرك زى النجوم صباحي
لا تطول سما ولا ارض في محبتنا
ولا ينفتحلك حتى شباك بيتنا
ولا ينفتحلك حتى شباك بيتنا
مهما تواعدني حاقولك بكرة
ويجي بكرة أقولك بكرة
ويجي بكرة أقولك بكرة
يعنى النهاردة بقولك لأة
وبكرة مش راح أقولك آه
وبكرة مش راح أقولك آه
ابعد وخبي عينيك طاوعني
لأحبك وبلاش تقيد النار
لأحبك وبلاش تقيد النار
لا تحرق قلبك قلبي عليك
خايفة عليك صدقني
خايفة عليك صدقني
لتغرق أنت قبل ما تغرقني
مهما تواعدني حاقولك بكرة
مهما تواعدني حاقولك بكرة
ويجي بكرة أقولك بكرة
يعني النهاردة بقولك لأ
يعني النهاردة بقولك لأ
وبكرة يمكن أقولك آه
كلمات: الشاعر مرسي جميل عزيز
ألحان: مراد منير