فات الميعاد - ام كلثوم

فات الميعاد وبقينا بعاد 
والنار  بقت .. النار دخان ورماد

 فات .. فات الميعاد 

تفيد بإيه يا ندم وتعمل إيه يا عتاب 
طالت ليالي .. ليالي الألم

واتفرقو الأحباب .. واتفرقوا

وكفايه بقى تعذيب وشقى 
ودموع في فراق ودموع في لقى

تعتب عليا ليه .. أنا في إيديا إيه 
فات الميعاد فات فات الميعاد

ياما.. ياما كنت اتمنى اقابلك بابتسامة 
أو بنظرة حب .. أو كلمة ملامة

بس انا نسيت الابتسام .. زى ما نسيت الآلام 
 والزمن بينسى حزن وفرح ياما

 إن كان على الحب القديم .. إن كان على الجرح الأليم

ستاير النسيان نزلت بقالها زمان

 وإن كان على الحب القديم وآساه .. انا نسيته .. أنا
ياريت كمان تنساه .. كمان تنساه

تفيد بإيه .. إيه .. إيه يا ندم يا ندم يا ندم 
وتعمل إيه .. إيه يا عتاب

طالت ليالى الألم .. واتفرقوا الأحباب .. اتفرقوا

وكفاية بقى .. تعذيب وشقى 
وكفاية بقى .. تعذيب وشقى

ودموع في فراق .. ودموع في لقى
 تعتب عليا ليه .. انا بإيديا إيه 
فات الميعاد فات

الليل ..  ودقة الساعات تصحى الليل

الليل ..  وحرقت الآهات في عز الليل

وقسوة التنهيد والوحدة والتسهيد لسه ماهمش بعيد

وعايزنا نرجع زى زمان
قول للزمان ارجع يا زمان

وهاتلى قلب لا داب ولا حب
ولا انجرح ولا شاف حرمان

تفيد بإيه.. إيه.. إيه يا ندم يا ندم
 وتعمل إيه.. إيه يا عتاب

طالت.. ليالى الألم واتفرقو الأحباب.. اتفرقوا

وكفايه بقى.. تعذيب وشقى

ودموع في فراق.. ودموع في لقى

تعتب عليا ليه.. انا بإيديا إيه .. فات الميعاد

من نارى .. من طول لياليا وفرحة العزال فيا

من قسوتك وانت حبيبى وقسوة الدنيا عليا

بينى وبينك هجر وغدر وجرح في قلبى داريته
 بينى وبينك ليل وفراق وطريق أنت اللى بديته

تفيد بإيه يا ندم.. وتعمل إيه.. إيه يا عتاب

طالت ليالى الألم .. واتفرقو الأحباب

وكفاية بقى .. تعذيب وشقى 
ودموع في فراق ودموع في لقى

تعتب عليا ليه.. أنا بإيديا إيه
فات الميعاد

كلمات: الشاعر مرسي جميل عزيز
ألحان: بليغ حمدي

القلب يعشق كل جميل - ام كلثوم

القلب يعـشق كـل جميل

وياما شفتي جمال يا عين

واللي صدق في الحب قليل 

وإن دام يدوم يوم ..ولايومين

والـلـي هـويته اليوم .. دايـم وصـــالــه دوم

لا يعاتـب اللي يتـوب .. ولا في طـبـعـه الـلـوم

واحــد مفيـش غيره .. مــلى الوجــود نـوره

دعـــانـي لبيتـه .. لحـد بـاب بــيـتـه

ولــمـا تـجـلالــي .. بالــدمـع نـاجـيـتـه

كـنـت أبـتـعد عـنـه .. وكــان يـنـادينـــي

ويـقـول مـصـيرك يـوم .. تخـضـع لـي وتـجـينـي

طاوعــني….. ياعـبـدي .. طـاوعـنـي أنا وحــدي

مالك حبيب غيري قبلي و لا بعدي

أنـا الـلـي أعـطـيـتك .. مـن غـير مـا تـتـكـلـم

وأنـا الـلـي عـلـمـتك .. مـن غـير مـا تـتـعـلـم

والـي هـديـتـه إلـيـك .. لـو تـحسـبـه بـاديــك

تـشـوف جـمـأيـلـي عـلـيـك

من كـل شـيء أعـظـم .. ســلـم لـنـا تـسـلـم

دعــانـي لــبـيـتـه .. لـحـد بــاب بـيـتـــه

ولـمـا تـجـلالـي .. بـالـدمـع نـاجــيــتـه

مـكـه وفيها جبال النـور

طـالـه علي البـيـت الـمعمور

دخـلـنا بـاب الـسـلام غـمـر قـلـوبـنـا الـسـلام

بـعـفـو رب غـفـور

فـوقـنا حـمـام الحـمى عــدد نــجـوم الـسـمـا 

طـايـر علينـا يـطـوف ألـوف تتـابـع الـــوف

طاير يهني الـضـيـوف بالـعـفـو والـمرحـمـة

والـلـي نـظـم سـيـره واحــد مـفـيـش غـيره 

دعــانـى لـبــيـتـه لـحـد باب بـيـتـه

ولــمـا تـجـلالــي بالــدمـع نـاجـيـته

جـيـنـا عـلـى روضـه .. هــالة من الـجـنـه

فـيهـا الأحـبـة تـنـول .. كـل الـلـي تـتـمـنى

فيها طرب و سرور .. و فـيـهـا نـور عـلـى نور

وكـاس مـحـبـة يدور .. والـلـي شـرب غـنـى

ومـلايـكـة الـرحـمـن .. كـانـت لـنـا نُـدمـان

بالـصـفـح والـغـفـران .. جاية تبشرنا

يـاريـت حــبـايـنـا .. يـنـولـوا مــــا نـلـنا

يــارب تــوعــدهـم .. يــارب واقــبــلـنـا

دعـــانـى لـبـيـتـه .. لـحـد بــاب بـيـتــه

ولــمــا تـجـلالـى .. بالــدمـع نــاجـيـتــه

كلمات: محمود بيرم التونسي 

ألحان: رياض السنباطي

عودت عيني على رؤياك - ام كلثوم

عودت عيني على رؤياك 

وقلبي سلملك أمري

أشوف هنى عينيا في نظرتك ليا

والقى نعيم قلبي يوم ما التقيك جنبي

وان مر يوم من غير رؤياك 

ما ينحسبش من عمري

قربك نعيم الروح والعين 

ونظرتك سحر والهام

وبسمتك فرحة قلبين 

عايشين على الأمل البسام

وان غبت يوم عني أفضل انا وظني

يقربك مني ويبعدك عني

واحتار في أمري معاه ومعاك

وان مر يوم من غير رؤياك 

ما ينحسبش من عمري

لو كنت خدت على بعادك 

كنت أقدر اصبر واستنى

واسهر على ضي ميعادك 

لما الزمان يجمع بينا

أبات على نجواك واصبح على ذكراك

واسرح وفكري معاك 

لكن غالبني الشوق في هواك

وإن مر يوم من غير رؤياك 

ما ينحسبش من عمري

زرعت في ظل ودادي 

غصن الأمل وانت رويته

وكل شئ في الدنيا دي 

وافق هواه انا حبيته

ومهما شفت جمال وزار خيالي خيال

انت اللي شاغل البال 

وانت اللي قلبي روحي معاك

وإن مر يوم من غير رؤياك 

ما ينحسبش من عمري

ويوم ما تسعدني بقربك 

الاقي كل الناس احباب

ويفيض عليا نور حبك 

اقول ما فيش في الحب عذاب

الحب كله نعيم لا فيه عزول بيلوم

ولا فيه حبيب محروم

يا ريت يدوم للقلب صفاك 

واقضي طول العمر معاك

ده ان مر يوم من غير رؤياك 

ما ينحسبش من عمري

كلمات: احمد رامى

ألحان: رياض السنباطى

بعيد عنك - ام كلثوم

نسيت النوم واحلامه .. نسيت لياليه وايامه

بعيد عنك حياتي عذاب .. ما تبعدنيش بعيد عنك

ماليش غير الدموع أحباب .. معاها بعيش بعيد عنك

غلبني الشوق وغلبّني .. وليل البعد دوبني

ومهما البعد حيرني .. ومهما السهد سهرني

لا طول بعدك يغيرني .. ولا الايام بتبعدني
بعيد عنك

لا نوم ولا دمع في عينيا .. ما خلاش الفراق فيا

نسيت النوم واحلامه .. نسيت لياليه و ايامه

وبين الليل و آلامه .. و بين الخوف و اوهامه

بخاف عليك .. و بخاف تنساني

والشوق اليك .. على طول صحاني

افتكرلي لحظة حلوة عشنا فيها للهوا

افتكرلي مرة غنوة يوم سمعناها سوا

خد من عمري عمري كله الا ثواني اشوفك فيها

من الشوق اه من الشوق اه وعمايله ..

ياما بداريها ياما .. ياما بحكيها ياما

بخاف عليك .. و بخاف تنساني

والشوق اليك .. على طول صحاني

كنت بشتاقلك و انا و انت هنا 
بيني و بينك خطوتين

شوف بقينا ازاي 
انا فين يا حبيبى و انت فين

والعمل ايه العمل .. ما تقوللي اعمل ايه

والامل انت الامل .. تحرمني منك ليه

عيون كانت بتحسدني على حبي 
ودلوقتي بتبكي عليا من غلبي

وفين انت .. يا نور عيني
يا روح قلبي فين

فين اشكيلك فين
عندي حاجات و كلام و حاجات

فين دمعك يا عين .. بيريحني بكايا ساعات

بخاف عليك .. و بخاف تنساني

والشوق اليك .. على طول صحاني

كلمات: مأمون الشناوي

ألحان: بليغ حمدي

حكم علينا الهوى - ام كلثوم

حكم علينا الهوى نعشق سوا يا عين

واحنا اللى قبل الهوى شوف كنت فين وانا فين

وآه يا ليلي آه ع الوعد والمقسوم

يا ليل يا عيني آه ع الوعد والمقسوم

لا تحوشه لا ولا آه ما بين عيون و قلوب

حكم علينا الهوى نعشق سوا وندوب

صدق اللى قال الهوى فوق الجبين مكتوب

السعد وعد يا عين والإسم نظرة عين

وانا وانت روح مغرمة كان حظها من السما

واتجمعوا القلبين

وآه يا سلام ع الهوى آه يا سلام سلم

خلانا من قلبنا بالفرحة نتكلم

وآه يا ليلي آه ع الوعد والمقسوم

يا ليل يا عيني آه ع الوعد والمقسوم

لا تحوشه لا ولا آه ما بين عيون و قلوب

حكم علينا الهوى نعشق سوا وندوب

صدق اللى قال الهوى فوق الجبين مكتوب

الاوله يا أنا بنقولها تحيينا

والثانيه آه يا هنا احضن ليالينا

والتالته آه يا هوى

سلمنا ليك امرنا ولقينا فيك عمرنا

وأجمل أمانينا

وآه يا سلام ع الهوى ىه يا سلام سلم

خلانا من قلبنا بالفرحة نتكلم

وآه يا ليلي آه ع الوعد والمقسوم

يا ليل يا عيني آه ع الوعد والمقسوم

لا تحوشه لا ولا آه ما بين عيون و قلوب

حكم علينا الهوى نعشق سوا وندوب

صدق اللى قال الهوى فوق الجبين مكتوب

قالوا المحبة قدر أنا قلت جمعنا

والقرب تمم لنا وادّى الحياة معنى

خلا الليل يا حبيبي يعدي وانا وياك ف ثواني

بعد ما كان اليل وانا وحدي بيطوّل حرماني

من حبك يا روحي نور الفرح بان

وف ضلّك يا روحي حسيت بالامان

والحظ ابتسم لي وضحك لي الزمان

وآه يا سلام ع الهوى آه يا سلام سلم

خلانا من قلبنا بالفرحة نتكلم

وآه يا ليلي آه ع الوعد والمقسوم

يا ليل يا عيني آه ع الوعد والمقسوم

لا تحوشه لا ولا آه ما بين عيون و قلوب

حكم علينا الهوى نعشق سوا وندوب

صدق اللى قال الهوى فوق الجبين مكتوب

كلمات: عبد الوهاب محمد

الحان: بليغ حمدى

يا ليلة العيد - ام كلثوم

يا ليلة العيد آنستينا ... وجددتي الأمل فينا

هلاك هل لعنينا ... فرحنا له وغينينا

وقلنا السعد حيجينا ... على قدومك يا ليلة العيد

جمعت الأنس ع الخلان ... ودار الكاس على الندمان

وغني الطير على الأغصان ... يحيي الفجر ليلة العيد

حبيبي مركبه تجري ... وروحي في النسيم تسري 

قولوا له يا جميل بدري ... حرام النوم في ليلة العيد

يا نور العين يا غالي ... يا شاغل مهجتي وبالي 

تعالى اعطف على حالي ... وهني القلب بليلة العيد

يا دجلة ميتك عنبر ... وزرعك في الغيطان نور

يعيش هارون يعيش جعفر ... ونحيلهم ليالي العيد

يا نيلنا ميتك سكر ... وزرعك في الغيطان نور

تعيش يا نيل ونتهنى ... ونحيي لك ليالي العيد

يا نيلنا ميتك سكر ... وزرعك في الغيطان نور

يعيش فاروق ويتهنى ... ونحيي لُه ليالي العيد

كلمات: احمد رامي 

ألحان: رياض السنباطي