ليلة من الليالي - نجاة الصغيرة
ليلة من الليالي فاتونا
عيني لو صحيح نسيونا
زي ما احنا .. رحتوا جيتوا فاكرين نسيتوا
حتلاقونا يوم ما تيجوا زي ما احنا
بنفس الشوق .. شوق في القلب يومه بسنة
بنفس الحب .. حب سنين مليانة هنا
بنفس الخوف .. عليكم لما بعدتوا عننا
بنفس اللهفة .. لما كنتوا زمان جنبنا
قاعدين ليالي مستنينكم
والدنيا صعبة بالبعد عندكم
وتعبنا احنا وزي ما احنا
رحتوا جيتوا فاكرين نسيتوا
حتلاقونا يوم ما تيجوا زي ما احنا
بنفس اليوم .. يوم يا حبيبي ما شفنا بعضنا
بقالنا سنين في نفس اليوم نولع شمعنا
نسهر نستنى نقول حتيجوا تزوروا عشنا
يفوت اليوم وتبات دموعنا على خدنا
قاعدين ليالي مستنينكم
والدنيا صعبة بالبعد عنكم
وتعبنا احنا وزي ما احنا
رحتوا جيتوا فاكرين نسيتوا
حتلاقونا يوم ما تيجوا زي ما احنا
كلمات: محمد حمزة
ألحان: بليغ حمدي
ألحان: بليغ حمدي