اللي ملك قلبي - عبد العزيز محمود
اللي ملك قلبي .. دلاله ما وصفش
اخلصتله حبي وبرضه ما نصفش
ااه ما نصفش
صاين هواه في العين
ولا يوم نسيت حبه
واجيب لبختي منين
علشان يلين قلبه
ما كنش والله العشم
يقسى ويهجرني
وايه يفيد الندم يا رب صبرني
انا خلاص فاض بي
على بعده ما اقدرش
اللي ملك قلبي .. دلاله ما وصفش
اخلصتله حبي وبرضه ما نصفش
ااه ما نصفش
انا اللي عشقت هواه
وافديه بنور عيني
غرامي ليه يسلاه
ويروح يجافيني
ما كنش والله العشم
يقسى ويهجرني
وايه يفيد الندم يا رب صبرني
انا خلاص فاض بى
على بعده ما اقدرش
اللي ملك قلبي .. دلاله ما وصفش
اخلصتله حبي وبرضه ما نصفش
ااه ما نصفش
خايف بعاده يطول
ولا كونش على باله
يا حيرة المشغول من اللي حيجراله
ما كنش والله العشم
يقسى ويهجرني
وايه يفيد الندم يا رب صبرني
انا خلاص فاض بي
على بعده ما اقدرش
اللي ملك قلبي .. دلاله ما وصفش
اخلصتله حبي وبرضه ما نصفش
ااه ما نصفش
كلمات: عبد اللطيف السيد
ألحان: عبد العزيز محمود