بتقوللي بكرة - عبد الحليم حافظ
بتقوللي بكرة قلبك حيعطف
وفي كل مرة توعد وتخلف
واصدقك برضه ولا اتكلم
من خوفي عليك لا تتالم
وتقوللي بكرة
اول ميعاد بينـا فضلت استناك
واهني نفسي
واقول لقلبي خلاص بلغت مـناك
من بعد يأسي
وفي لحظة لقيـت اللى بنيته
جيت انت غبت وهديتـه
فكري يودي ويجيب
يا هل ترى ايه نساه
ما يكنش لقاه حبيب غيري
ومتهني معاه
واصدقك برضه ولا اتكلم
من خوفي عليك لا تتالم
وتقوللي بكرة
كتمت ما جراللي ورضيت
والشوق كاويني ووجدي
وان قلتلك حبيت
بتفوتني اتكلم وحدي
وابقى لاعارف ان كنت حبيبـك
والا فؤادي مالهوش فى نصيبك
واجي اقولك ساكت كده ليه
ما ترد مـرة
وافضل احايلك وبعد ايه
تقوللي بكرة
واصدقك برضه ولا اتكلم
من خوفي عليك لا تتالم
وتقوللي بكرة
كلمات: سمير محجوب
الحان: محمد الموجى
