وحياتك يا هوى عاشقين - نجاة الصغيرة
ياما ناس زينا عاشقين
ياما ناس غيرنا سهرانين
بس احنا اللي حاجة تانية
وما فيش زينا بالدنيا ما فيش
وحياة الهوى عاشقين
وحياتك يا هوى عاشقين
علشانك يا هوى
يا قمر العمر وشمس العمر علشانك يا هوى
وظل العمر..العمر بحبك
عمري ما حبيت عمري
في شبابي شباب عمري
غير وانا وياك .. او وانا بحلم بك
بحلم بك نايمة وصاحية
رايحة وجاية بحلم بك
بحلم بعينيك وخداني لبلاد تانية
لبلاد مليانه حبايب
ما فيهاش قلب ماهوش دايب
بس احنا اللي حاجة تانية
وما فيش زينا بالدنيا .. ما فيش
وحياة الهوى عاشقين
وحياتك يا هوى عاشقين
علشانك يا هوى
علشانك يا هوى
بيقولوا الحب شاطر
بيقولوا الحب قادر
يدخل علينا بيتنا
ياخذنا من حياتنا
ما نعرف احنا امتى
ولا نسأل احنا فين
بيقولوا الحب شاطر
بيقولوا الحب قادر
يجيب بكره النهاردة
ويخلي الجرح وردة
ومطرح كل دمعة يولع شمعتين
دا صحيح صحيح الحب كده
واكثر بكثير
واكثر بكثير
انا مثلا اهو مع كل ميعاد
لحبيبي بطير لحبيبي
وبس احنا اللي حاجة تانية
وما فيش زينا بالدنيا . ما فيش
وحياة الهوى عاشقين
وحياتك يا هوى عاشقين
علشانك يا هوى
علشانك يا هوى
كلمات: عبد الوهاب محمد
الحان: حلمى بكر
