على طرف جناحك يا حمامي - نجاة الصغيرة
على طرف جناحك يا حمامي
حاربطلك مكتوبي
واملاه اشواقي وسلامي
توصلها لمحبوبي
واحلفله يمين بعينيا التنين
قلبي اشتاقله وبيندهله
من بعده أنا عايشة لأحلامي
وحنيني لحبيبي
بدعيلك توصل بسلامة من قلبي بدعي لك
يسلمي جناحك يا حمام ويدوم لنا جميلك
أنا لا حنام ولا نوم ح يجيني
طول ما هو غايب كده عن عيني
قلبي اشتاقله وبيندهله
من بعده أنا عايشة لأحلامي
وحنيني لحبيبي
بالليل أسهر أعد نجومه
وانسى العد وأعيده أعيده
والناس بيناموا ويقوموا
والقلب القلب بتنهيده
والتنهيدة تساوي ليالي
تساوي ليالي
ولا بيغيب الشوق عن بالي
الشوق عن بالي
قلبي اشتاقله وبيندهله
من بعده أنا عايشة لأحلامي
وحنيني لحبيبي
يا سلام يا حمام لو جبت الرد معاك
وكمان يا سلام لو جى يا حمام وياك
يا سلام يا سلام
ويشوف قلبي نهاية صبره
ويعيش أحلى ثواني في عمره
واحلفله يمين بعينيا التنين
قلبي اشتاقله وبيندهله
من بعده أنا عايشة لأحلامي
وحنيني لحبيبي
كلمات: عبدالرحمن الأبنودي
ألحان: عزالدين حسني