اشكي لمين - محرم فؤاد
اشكي لمين .. اشكي لمين
وانا طول عمرى قلبي حزين
دوقت القسوة من الاحبـاب
شفت الغدر من الاصحـاب
عشت حياتى عذاب فى عذاب
وانا ع الحال ده بقالي سنين
اشكي لمين .. اشكي لمين
وانا بين ناسي واهلي غريب
اشكي لصاحب خاني وباعني
ولّا حبيب جرحه ما بيطيب
ليه الدنيا بتلعب بيا
ليه الحظ معاند فيا
نفسي ادوق طعم الحنية
زي ما كل الناس عايشين
دوقت القسوة من الاحباب
شفت الغدر من الاصحـاب
عشت حياتى عذاب في عذاب
وانا ع الحال ده بقالي سنين
اشكي لمين ... اشكي لمين
ده انا من يوم ما وعيت ع الدنيا
وانا مكتوبلي اعيش مغلوب
اهرب فين من حظى يا دنيا
وازاي اهرب من المكتوب
ده انا جوايا جرح معلّم
ليل ونهار عمّال اتألم
انا مش ح اشكي ولا ح اتكلم
الا لغير رب العالمين
دوقت القسوة من الاحبـاب
شفت الغدر من الاصحـاب
عشت حياتي عذاب فى عذاب
وانا ع الحال ده بقالي سنين
اشكي لمين .. اشكي لمين
كلمات: امل الطائر
ألحـان: محمد علي سليمان