يا مدعي الكبر - عبده الاسكندراني
يا مدعي الكبر سنتك حبر مش فضة
بتقول على الكبر من قلة النظر فضة
لك قشرة بتغر لكن قلبها فضة
ياما اعلى منك رجال اصله وناس كامله
اتواضعوا للناس بحسن لسان ومعامله
العظمه لله لو صلت عليك نمله
من دمع عينك هتملى البحر لو فضه
مريض بداء الحسد والداء مأثر فيه
اصل الحسود لا يسود ولا في دوا يشفيه
مهما عطاه ربنا ولا مال قارون يكفيه
عيش جاره لو حاف بيحط عينه فيه
وان شاف زميله في خير غيرة الحسد تعميه
ويبات في قلبه نار ولا نهر مال يطفيه
يسعى في مكيده اكيده للبعيد تخفيه
ولا دسيسه خسيسه تسجنه وتنفيه
الوش يضحك وربنا يعلم ما يخفيه
يا فاحط البير لاخوك في السر ومغطيه
لابد من يوم يا ظالم عن وقوعك فيه