يمي ما بعرف كيف حاكاني - فيروز
يمي ما بعرف كيف حاكاني
و كنت حد العين حيرانة
تركته بقصدي يروح بدي يروح
مدري شو حد العين خلاني
يمي ما بعرف كيف ما بعرف كيف
يحكي و يحكي و صرت إسمعله
و الحكي كيف كان طايعله
صاروا الزنابق حدنا يعلوا
لو ضل كان الورد خباني
يمي ما بعرف كيف ما بعرف كيف
و غابت الشمس و خفت و إحتديت
و ما عدت عدرب لنا إستهديت
ما وعيت كيف ركضت صوب البيت
قلبي يدق و كنت فزعانة
يمي ما بعرف كيف ما بعرف كيف
مبارح بعتلي محرمة هدية
سر و عطر أبيض و غنية
و متل اللي زاغوا هيك عينيي
و حسيت شي بالبال بكاني
يمي ما بعرف كيف ما بعرف كيف
كلمات: الأخوين الرحباني
ألحان: الأخوين الرحباني