لما ع الباب نتودع - فيروز

لما ع الباب يا حبيبي بنتودع 
بيكون الضو بعدو شي عم يطلع

بوقف طلع فيك و ما بقدر أحكيك
وبخاف تودعني و تفل و ما ترجع

بسكر بابي شوفك ماشي ع الطريق 

فكر أنزل أركض خلفك ع الطريق

و تشتي عليي ما تشوفك عينيي

و أنا أركض وراك أمدلك أيديي

و أندهلك أنطرني حبيبي و ما تسمع 

ما رح ترجع بعرف أنن غيروك

يا حبيبي و عذبوني و عذبوك 

سهروا عينينا و فرقوا أيدينا

و صرنا كتير نخاف اذا نحنا تلاقينا 

ما بنتلاقى الا وقت اللي منتودع

كلمات: جوزف حرب

الحان: فيلمون وهبي

يا قلبي لا تتعب قلبك - فيروز

يا قلبي لا تتعب قلبك
وبحبك على طول بحبك 

بتروح كتير بتغيب كتير 
وبترجع ع دراج بعلبك  

ماشي والقمر ماشي تبعت مراسيل 

يا قلبي المتل فراشة حول القناديل 

لا بتعرف وهج النار ولا بتكفي المشوار 

وملبك بالحب ملبك
وتروح وترجع ع بعلبك 

أنا مين اللي صحاني من عز النوم 

وصوب عيونك وداني من أول يوم 

أنا مين وإنت مين يا نحنا المنسيين 

ودربي تبعدني عن دربك
أه وإندهلك يا حبيبي بحبك

كلمات: الأخوين رحباني

ألحان: الأخوين رحباني

عصفورة الشجن - فيروز

أنا يا عصفورة الشجن 

مثل عينيك بلا وطنِ

بِي كما بالطفل تسرقه

أول الليل يد الوَسَنِ

واغتراب بي وبي فرحٌ

كارتحال البحر بالسفن

أنا لا أرضٌ ولا سكنٌ

أنا عيناك هما سكني

راجع من صوب أغنية 

يا زمانا ضاع في الزمن

صوتها يبكي فأحمله

بين زهر الصمت والوَهَنِ

من حدود الأمس يا حلماً 

زارني طيراً على غُصُنِ

أيُّ وهمٍ أنت عشْتُ به 

كُنْتَ في البالِ ولم تَكُنِ

كلمات: علي بدر الدين

ألحان: الأخوين رحباني

رجعت الشتوية - فيروز

رجعت الشتوية .. ضل افتكر فيي

ضل افتكر فيي .. رجعت الشتوية

يا حبيبي الهوى مشاوير
وقصص الهوى مثل العصافير

لا تحزن يا حبيبي 
إذا طارت العصافير

وغنية .. منسية ع دراج السهرية

رجعت الشتوية .. ضل افتكر فيي

يا حبيبي الهوى غلاب

عجل وتعى .. السنة ورا الباب

شتوية وضجر وليل 

وانا عم بنطر على الباب

ولو فيي يا عيني .. خبيك بعيني

رجعت الشتوية .. ضل افتكر فيي