دامت لمين - محمد رشدي
دامت لمين .. يا مصدق الايام
دامت لمين .. ما تعش في الاوهام
الدنيا تطلع ايه .. وتسوى كاام
غريب انت .. عجيب انت .. تكدبني وبتصدق الدنيا يا موهوم
غرور قلبك خدع قلبك وصورلك وهيئلكك انك طولت النجوم
انا ضحيت عشانك وانت الوهم خانك
ياخوفي في يوم تيجيني واقولكـ راح زمانك
قدمت اخلاصي .. شيلتك على راسي
ليه دوست على قلبي وجرحت احساسي
غريب انت .. عجيب انت .. تكدبني وبتصدق الدنيا يا موهوم
غرور قلبك خدع قلبك وصورلك وهيائلك انك طولت النجوم ..
يادوب الحظ جالك جرالك ما جرالك
والدنيا اتبسمتلك نسيت مين اللي شالك
حواليك عيون ياما وقلوب وناس ياما
عللوك على الفاضي ورموك في دوامه
غريب انتا .. عجيب انتا .. تكدبني وبتصدق الدنيا يا موهوم
غرور قلبك خدع قلبك وصورلك وهيائلك انك طولت النجوم ..
عليت ونسيت حبيبك رفضت تعيش نصيبك
وغيروك يا قاسي يمين الله لاسيبك
الدنيا دواره مكسب على خساااره
وانت خلاص تخسر دلوقتي يا خساره
غريب انت .. عجيب انت .. تكدبني وبتصدق الدنيا يا موهوم
غرور قلبك خدع قلبك وصورلك وهيائلك انك طولت النجوم ..
كلمات: احمد شتا
الحان: حسين محمود