يا طير الطاير - صباح

واقفة ع البحر بكّاني السفـر
مين متلي تلوّع وقدّي نطـر

مع كل موجة رايحة ببعت سلام
ومع كل موجة راجعة بنطر خبر

يا طير الطاير قلّه
وحق الفرقة اشتقتلّه

قله بيحبه قلبي
وان كنّه مضيّع عن دربي
دخلك عَ دربي دلّه

قله يشفق ع حالي
ما عندي غيره غالي

ياما سهرت الليالي
و النهدات بعتله

قله بيحبه قلبي
ان كنّه مضيّع عن دربي
دخلك عَ دربي دلّه

جن الليل من جنوني
مشتاقة تشوفه عيوني

يا عالم لا تلوموني
وِلفي بالعالم كلّه

قله بيحبه قلبي
ان كنّه مضيّع عن دربي
دخلك عَ دربي دلّه

يا طير احكيله عني .. قلبي العني بيلعني

يطلب شو بده مني .. شو ما بيطلب بعمله

قله بيحبه قلبي
ان كنّه مضيّع عن دربي
دخلك عَ دربي دلّه

يا طير الطاير قلّه
وحق الفرقة اشتقتلّه

قله بيحبه قلبي
ان كنّه مضيّع عن دربي
دخلك عَ دربي دلّه

اغاني زمان