قلبي بيقولي كلام - محمد عبد الوهاب
قلبي بيقوللي كلام وانت بتقوللي كلام
وعينيا شايفة كلام والناس بيقولوا كلام
احترت اصدق مين .. واحترت اكدب مين
قلبي بيقوللي
انت بتحلفلي انك ليا
وعينيك بتكدب حلفانك
بيخبوا وبيداروا عليا
وكلامهم مش زي كلامك
احترت ما بين قلبي وبينك
والحيرة عذاب
ما اعرفش الصادق مين فيكم
ومين الكداب
قلبي بيقوللي كلام وانت بتقوللي كلام
وعينيا شايفة كلام والناس بيقولوا كلام
احترت اصدق مين .. احترت اكدب مين
قلبي بيقوللي
فاكر يوم قلبي ما شكالك
وسألتك عن راحة قلبى
فى القرب داريت عني جوابك
وفي بعدي رديت على حبي
احترت انا بين قلبي وبينك
والحيرة عذاب
ما اعرفش الصادق مين فيكم
ومين الكداب
قلبي بيقوللى كلام وانت بتقوللي كلام
وعينيا شايفة كلام والناس بيقولوا كلام
احترت اصدق مين .. احترت اكدب مين
قلبي بيقوللي
تضحك في عينيا
والفرحة تاخد من قلبى وتجاوبك
وابص الاقي .. عينيك سارحة
مع حاجة تانية بتندهلك
احترت انا بين قلبي وبينك
والحيرة عذاب
ما اعرفش الصادق مين فيكم
ومين الكداب
قلبي بيقوللي كلام وانت بتقوللي كلام
وعينيا شايفة كلام والناس بيقولوا كلام
احترت اصدق مين .. واحترت اكدب مين
قلبي بيقوللي
كلمات: حسين السيد
ألحان: محمد عبد الوهاب