اعلان

انا مهما خدتني المدن - عماد عبد الحليم

مهما خدتنى المدن 
وخدتنى ناس المدن
دايماُ صورتك في قلبي 
دليلي فى المدن


اطوي المدن واجيكي عطشان لنور عينيكي  
وارمي روحي عليك تطبطبي وتضمي
مابحسش بالبراح ده الا فى قلبك يا امي
ايوه فى قلبك يا امي
ده انا مهما خدتنى المدن .. وخدتنى ناس المدن
دايما صورتك فى قلبي دليلي فى المدن

كبرت وكل ما اكبر يكبر حبك فى قلبى
يكبر وانا ليا غير وطنى وانتي وربي
ولما اعود اليكي وابوس على ايديكي
انسى المدن يا امايه فى لمستك وعينيك
وارمى روحى عليك تطبطبى وتضمى
مابحسش بالبراح ده الا فى قلبك يا امى
ايوه فى قلبك ياامى
ده انا مهما خدتنى المدن 
وخدتنى ناس المدن
ديما صورتك فى قلبي دليلي فى المدن
ديما صورتك فى قلبي دليل فى المدن

امي ياحببتى انتي  
طول عمرك طايرة بيا .. طايرة بيا
امي وكإنك اتخلقتي علشان تخافى عليا .. عليا
طول ماانتى عايشه ليا يانبع من الحنان
لو ضاق الكون عليا ليا في قلبك مكان
وارمى روحى عليكي تطبطبي وتضمي
مابحسش بالبراح ده الا فى قلبك يا امي
ايوه فى قلبك ياامى
ده انا مهما خدتنى المدن 
وخدتنى ناس المدن
دايما صورتك فى قلبي دليلي فى المدن
دايما صورتك فى قلبي دليل فى المدن



كلمات: عبد الرحمن الأبنودي 
ألحان: د. جمال سلامة

Share this

شاركشارك