غاب القمر - شادية
غاب القمر يا ابن عمي يالا روحني
دي النسمه اخر الليل بتفوت وتجرحني
والصوت دبل في الخلى والليل ما عادله دليل
نعس الفضا واتملى قلبى بنجوم الليل
طار النسيم بالشوق لما كلمتك
لمس النسيم توبي بهمس غنوتك
غاب القمر يا ابن عمي يالا روحني
الليل ووحدى ووحدك سايبين هوانا وحيد
فين الحواديت وفين سهراتنا تحت الضي
خوفى من الضلمة تتوهنى وانت بعيد
بعد القمر يا حبيبى ما غاب ما قال لنا جاي
طار النسيم بالشوق لما كلمتك
لمس النسيم توبي بهمس غنوتك
غاب القمر يا ابن عمي يالا روحني
ضحك الهوى حواليك واتمايلت النجمات
ملس على شعري ورمى عليك حكايات
مشوارنا همسه وضحكه شارده فى الفضا
مشوارنا خطوة وعمرها ما بتنقضى
بعث القمر مرسال بعد النجوم موال
وخطوتك وانت جنبي شوق يفرحني
غاب القمر يا ابن عمي يالا روحني
كلمات: مجدى نجيب
ألحان: محمد الموجى