بلاش عتاب - عبد الحليم حافظ
بلاش عتاب يا حبيبي
ارحمني من العذاب يا حبيبي يا حبيبي
طفِّيت كل الشموع .. و قلبي ارتاح و نام
إرتاح من الدموع .. و الحب و الآلام
بلاش العتاب .. القلب العاصي تاب
والجرح القاسي طاب
ما صدقت انه طاب .. يا حبيبي
ما صدقت انه طاب .. يا حبيبي
ياما قلبي داب من عذاب الحب ياما
ياما خبيت الآلام .. ياما شفت النور ظلام
بلاش عتاب بلاش يا حبيبي .. يا حبيبي
إديتك احلى ما في الدنيا اديتك حبي
و آمنتك على راحة بالي وعلى فرحة قلبي
و في حضن الشوق و الحنية
غمضت عينيَّ شوية
غمضت عينيَّ شوية
و فى ضل آمالي الحلوة .. و الدنيا ملك إيديَا
بصيت و لقيتك مش جنبي
و لقيتني انا لوحدي انا لوحدي انا و قلبي و قلبي
مش ببكي عليك انا ببكي عليَّا يا حبيبي
ياما قلبي داب من عذاب الحب ياما
ياما خبيت الآلام .. ياما شفت النور ظلام
ياما كنت اتمني يوم يوم يوم ابتسامة
بلاش عتاب بلاش .. يا حبيبي
بلاش عتاب .. لو كنت حبيبي
من العذاب انا خدت نصيبي .. خدت نصيبي
ما تكلمنيش ع الحب .. ما تفكرنيش بالحب
لا حياتي هي حياتي ولا قلبي اصبح قلب
حبيت الحب عشانك .. وكرهت الحب عشانك
ابداً مش ح اقدر اسامحك .. ابعد خليك في مكانك
انا بترجاك استنى هناك استنى بعيد علشان انساك
ياما .. ياما قلبي داب من عذاب الحب ياما
بلاش عتاب .. لو كنت حبيبي
من العذاب انا خدت نصيبي .. خدت نصيبي
ما تكلمنيش ع الحب .. ما تفكرنيش بالحب
لا حياتي هي حياتي ولا قلبي اصبح قلب
حبيت الحب عشانك .. وكرهت الحب عشانك
ابداً مش ح اقدر اسامحك .. ابعد خليك في مكانك
انا بترجاك استنى هناك استنى بعيد علشان انساك
ياما .. ياما قلبي داب من عذاب الحب ياما
ياما خبيت الآلام .. ياما شفت النور ظلام
ياما كنت اتمنى يوم .. يوم يوم ابتسامة
بلاش العتاب بلاش عتاب يا حبيبي
كلمات: مرسى جميل عزيز
ألحان: كمال الطويل