قدرت ازاي - ميادة الحناوي
وقدرت ازاي تكون غيرك .. تخون حبّك
وجالك قلب تجرحني وانا قلبك
وجاي تقول كمان بتقول وتحكيلي عن الناس اللي بتحبك
وتوصفلي وانا فدنيا غير الدنيا .. وبستغرب عليك يا حبيبي وعليّا
وتحلفلي ما فيش غيري على بالك .. وانك وانت ويّاهم بتبقى معايا في خيالك
ومن حبي بصدق حتى لو كدبك .. وقلبي اللي انجرح باقي على حبّك
ومش قادر يلومك يوم ولا يعاتبك .. ما فيش غير كلمة بين دقاته بتجاوبك
يا يا يا يا قلبك قدرت ازاي
علّمني مرة ازاي اقدر .. مايكونش قلبي اللي حاكمني
لا اغير ولا اشتاق ولا افكر .. ولا اخلي بعدك يألمني
علمني .. علمني اكلم كل الناس .. ويلاقوا حنية في ردي
واضحك لهم من غير احساس .. واسمحلهم يطلبوا ودي
واعيش بحبي واسراره .. من غير ما لقانا ما يفضحنا
واكتم هوى قلبي وناره .. بينك وبيني يا دوب احنا
لو كان ده كل ما تتمنى ..عشـــــان نخلي هوانا يدوم
هاكون كدة وهاعيشها حياة .. انا عمري ما تمنيتها ف يوم
لكن خلاص عيش بطريقتك .. وكفاية تبقى ف أيامي
قد اللي يسمح بيه وقتك .. والباقي سيبوا لأحلامي
ومن حبي بصدق..........
يا حبيبي مين له اكتر فيك أنا ولا كل اللي حواليك
أنا اللي لو عدت نسمة والله ما استحملها عليك
يا حبيبي يا حبيبي يا حبيبي .. ده اللي انا بادي لك عمري
أيام في حبّك وبتجري .. وكنت بتمنى ادي لك عمري
اللي فات قبلك بدري
وانت اللي بحبك وبإخلاص وحبي ليك غير حب الناس
أصل انت عندي كل الناس يا احب الناس
يا ارق الناس
ومهما تعمل ومهما تقول أنا بحبك بقى وخلاص
وتحلف لي وتحلف لي مافيش غيري على بالك
وانك وانت ويّاهم بتبقى معايَ في خيالك
ومن حبي بصدق حتى لو كدبك
كلمات: عمر بطيشه
ألحان: عمار الشريعي