اعلان

رجعتلك يا حبيبي - اسمهان

رجعتلك يا حبيبي 
بعد الفــــراق والعــــذاب
وان كان لُقاك من نصيبي 
من بعد طول الغياب



ياما افتكرتك وكنت شاغللي بالي
لمـــا فارقتك عـــاهدت سُـــهد اليالي

في كل يــوم يـــزداد حنينــــي اليك
ما يفوتش يوم من غير ما أسأل عليك

كان قلبي عليل ومالوهش خليل
روحـــــه في رؤياك يفرح وياك
انا كنت خايف تنســـاني 
لكـن لقيتك تهوانـــي

اعيدلك فؤادي الحنون 
يرعاك ويهنى في ودادك
ينسى معاك الشجون 
وينول محبة فؤادك

وانشُــــد هــــوايا والقـــــاك معـــــايا
تسمــــع رجــــايا والماضي تــاني يعود


كلمات : يوسف بدروس
ألحان : فريد الأطرش


يا سلام على حبي وحبك - شادية وفريد الاطرش

شاديه : 
يا سلام على حبى وحبك .. وعد ومكتوبلي احبك 
ولا انامش الليل من حبك .. يا سلام على حبي وحبك
فريد : 
يا سلام على حبى وحبك .. ده ما كان على بالي احبك
ولا انامش الليل من حبك .. يا سلام على حبى وحبك



شاديه : 
ياحبيبى هواك جنني .. والشوق ملاني جراح
وحياتك تبعد عني .. وتسبني علشان ارتاح
فريد :
وانا يعني ماسك فيك .. ماهو قلبي مشغول بك

شاديه : 
حبك حيرني
فريد : 
وانا زيك برضه
شاديه : 
ربي يصبرني
فريد : 
ايوه انا في عرضه

شاديه : 
اعذرني لاني بحبك .. مابنامش الليل من حبك
ياسلام على حبي وحبك
فريد : 
مش ممكن اعيش من بعدك .. ده خيالك جنبي ليلاتي
واقول لو ربنا ياخدك كنت اعمل ايه يا حياتي
شادية: 
ان شاالله انت يا حبيبي .. يا هنايا وكل نصيبي
ح اولع في روحي يا قبلي وعينيا
فريد : 
لا اوعى ياروحي ده واجب عليا

شاديه : 
من ساعة قلبي ما حبك .. ما بنمش الليل من حبك
يا سلام على حبي وحبك .. وعد ومكتوب لي أحبك
يا سلام على حبي وحبك
شاديه :
حبتني صحيح ؟؟
فريد : 
أُمال
شادية : 
أتاريني بقيت فرحانة
فريد : 
عقبال كل العزال يتهنوا زي هنانا

شاديه : 
شوف وشي اصفر ازاي من حبك
فريد : 
شوفي جفني احمر ازاي من حبك

شاديه : 
حتعيش ياروحي معايا ده انت حياتي ودنيتي
كفايه حب كفايه لحسن يضَر بصحتى
شادية و فريد : 
ياسلام على حبي وحبك .. وعد ومكتوب لي احبك
يا سلام على حبي وحبك 


كلمات: فتحي قوره 
ألحان: فريد الأطرش 


مقطع من الليالي الليالي - حاول تفتكرني

من الليالي الليالي من بعدك واللى جراللي
سهرنى الشوق دوقني الشوق 
طعم الحرمان في الليالي



ياما ايام ضاعت يا سلام 
في عذاب وآلام سهران ما بنام
قضيت الليل مع قمر الليل 
ونجوم الليل نحكي في كلام

ياما قلت عنك وغلبت شكوى منك 
وحياه الغالى عندك
ابقى افتكرني .. حاول تفتكرني
ولو مريت في طريق مشينا مره فيه
أو عديت في مكان كان لينا ذكرى فيه
ابقى افتكرني .. حاول تفتكرني


كلمات: محمد حمزة
ألحان: بليغ حمدي


احضنوا الايام - وردة الجزائرية

احضنوا الأيام لتجري من ايدينا
 أحلى ايام الهوى راحت علينا
من الشهد دوقونا بالـسكر دوبونا 
وبعد ما حبيناهم وبعد ما هنيناهم
بالمر سقــونا .. بالرخص باعونا



آه وبايدينا .. آه انكوينا .. لما بالحب ابتلينا 
ابتلينا واتنسينا وانتهينا
بس طول ماهو جاي بكره .. ربنا يعوض علينا
يعوض الله يعوض الله يعوض الله
الدنيا لسه بخيرها والله يعوض الله

أحلى كلام في الهوى قلناه
قد ما قلنا صدقناه 
وعشقناه ودبنا معاه
ودبنا معاه ودوبناه
دبنا دبنا دبنا 

 حب بحب نعطش حب نشرب حب
غنت كل الدنيا معانا أغاني الحب
واما قلنا خلاص ارتحنا
والايام حست بفرحنا
ضاع الهوى بعد ما جرحنا 

 اه ع الدنيا لما بتدي
بس بتاخد قد ماتدي
وأكتر ما بتدينا يا وعدي

استكترت الحب علينا 
استكترت الفرح علينا
استكترت الحلم علينا
آه وبايدينا آه انكوينا
لما بالحب ابتلينا 
ابتلينا واتنسينا وانتهينا

بس طول ماهو جاي بكره
ربنا يعوض علينا
يعوض الله يعوض الله يعوض الله
الدنيا لسه بخيرها والله يعوض الله

أحلى ايام يا هوى انا بانتظارها 
بابتسامتها وحلاوتها ونارها بانتظارها 
بكره ايامنا اللي جايه تقول تعالوا 
 قلت اهلا بيها وبضحكة نهارها
ولياليها وسهرها وقمرها
والعشرة اللي بينا .. لو حد افتكرها 

  ياللا بينا .. نحضن الايام لترجع تجري بينا
  ياللا بينا .. قبل ما الدنيا تجرح تاني فينا
ترجع النغمة الحزينة تشترينا
ياللا بينا .. ندعي للأيام تجينا والزمن هو يداوينا

ليه نشمت حد فينا باللي فينا 
ياللا كل ده محسوب علينا
 يا زمن حاسب علينا بعد ما ضحكت عينينا
اه واتراضينا....اه واتصافينا .. لما رحنالهم وجينا 
واما قلنا نحب بكره .. ربنا يعوض علينا
يعوض الله يعوض الله يعوض الله
الدنيا لسه بخيرها والله يعوض الله


احضنوا_الايام.jpg


كلمات: سيد مرسي
ألحان: بليغ حمدي


الشمس الجريئة - حنان

الشمس الجريئة والنسمة الرقيقة
والضحكة البريئة للموجة الشقية
في بحور إسكندرية وحشانا يا حبيبي



بنحب البحر وننزل يحضنا الموج بمودة
ونحب الشط ونعمل من الرملة الناعمة مخدة
وبسرعة الوقت بيجري نتقابل بكرة بدري
نفتح بالشوق شمسية .. شمسية يا حبيبي

الشمس الجريئة والنسمة الرقيقة
والضحكة البريئة للموجة الشقية
في بحور إسكندرية وحشانا يا حبيبي

الفرحة وأجمل مطرح كورنيش إسكندرية
وإحنا بنتمشى بنلمح ضحكة قلبنا في المية
والشمس في المغارب بتواعد الحبايب
وتقول من بدري جاية .. جيالنا يا حبيبي

الشمس الجريئة والنسمة الرقيقة
والضحكة البريئة للموجة الشقية
في بحور إسكندرية وحشانا يا حبيبي


يا لعبة الايام - وردة الجزائرية

تضحكلك الأيام تهجر وتنساني
تغدر بك الأيام ترجعلي من تاني




بتغيرك ايام .. وتبدلك ايام 
وبتجيني تلاقيني مع الماضي 
مع الذكرى .. مع الأحلام
عشان قلبي انا اوفى من الأيام .. يا لعبة الأيام 

يا لعبة الأيام ارتاح وريحني
ياما غلبت كلام .. ولا مره تسمعني
بتاخدك الأيام اعيش بجرحك
وتجيبك الأيام اعيش لجرحك
بتغيرك ايام .. وتبدلك ايام
وبتجيني تلاقيني مع الماضي 
مع الذكرى .. مع الأحلام 
عشان قلبي انا اوفى من الأيام .. يا لعبة الأيام 

في يوم ما الدنيا تغدر بك
وايام الهنا تخونك .. وايام الضنا تذلك
تيجيني وتفتكر حبك
واشوف الذل في عيونك .. اقول نفسي فدا ذلك 
يا اغلى عندي من نفسي .. ما بين املي وبين يأسي
ضناني الصبر وجروحي .. ولولا بقيه من رسمي
وحرف وكلمه من اسمي .. لا تاهت عيني عن روحي 
ياللي هواك كاسين .. احلى ما فيهم مر
والصبر ع الاثنين .. فاق العذاب والمر 
بتاخدك الأيام اعيش بجرحك
وتجيبك الأيام اعيش لجرحك
بتغيرك ايام .. وتبدلك ايام
وبتجيني تلاقيني مع الماضي 

مع الذكرى .. مع الأحلام 
عشان قلبي انا اوفى من الأيام .. يا لعبة الأيام 


كلمات: علي مهدي 
ألحان: رياض السنباطي


سبحانك ربي سبحانك - الشيخ سيد النقشبندي

سبحانك ربي سبحانك .. سبحانك ما أعظم شانك
ندعوك و نرجو غفرانك .. سبحانك .. سبحانك


اوصيت بحق معلوم .. لاخي السائل والمحروم
ويتيم الاهل ومن هاجر .. واسير الدين المهموم
يشملهم عطفك سبحانك
اوصيت عبادك بالصدقة وزكاة الفطر 
ينفقها القادر تزكيةً للنفس وحباً في الخير 
وسبيلاً يسبغ رضوانك 

رباه اذا ما انفقنا بسماحة نفس وصدقنا
لا فضل لنا فيما نعطي فبرزقك ربي تصدقنا 
لا رازق غيرك سبحانك 

فأعنا كي ننفق سراً .. لا نرجو فخراً او شكرا
حتى ندخلها خالصة .. وكفى برضاك لنا اجرا
نخلف ما نعطي سبحانك