ياما القمر ع الباب - فايزة احمد
ياما القمر عالباب .. نور قناديله
ياما أرد الباب .. ولا أناديله ياما .. أما
ياما القمر سهران .. مسكين بقاله زمان
عينه على بيتنا .. باين عليه عطشان
وحد من الجيران .. وصفله قلتنا
أسقيه ينولنا ثواب .. ولا أرد الباب ياما .. أما
ببص من الشباك .. لمحته جاي هناك
في طلعته الحلوة .. نور عليا وقال
في عينيَّا كم موال .. يا ليل
وخدت كم غنوة .. لا قدرت ارد جواب
ولاأرد الباب .. ياما .. أما
ياما القمر عالباب .. خبط وقال يا احباب
ردوا على الخطّاب
ماعدش فيها كسوف .. ياما اعملي معروف
قومي افتحيله الباب .. ولا أنا اجيله
أنا اجيله ياما .. أما
كلمات: مرسي جميل عزيز
ألحان: محمد الموجي