ردي البيبان يا بهية .. لا ف يوم يظلموكي
داري العيون يا صبية .. لا الناس يحسدوكي
بهية .. كل الحكاية عيون بهية
يا بهية خبريني .. مالهم بيكي اللايمين
دي عيونك يا صبية .. بالحب مليانين
كل مجاريح الهوا .. بيقولوا هي بهية
كل عشاق الهوا .. ظالمين بهية بهية
ظلموا البنية .. يا عينيا .. و كل الحكاية .. عيون بهية
ولا حد عدى .. ولا مرة هدى .. وشاف عينيها الا و مال
قالوا عن بهية .. ظلموا البنية
و اللي في عينيها .. ملقاش مودة .. ظلم الصبية و راح و قال
قالوا عن بهية .. ظلموا البنية
قالوا عن بهية .. ملهاش عزيز ولا حبيب
عيونها تقتل .. ملهاش دوا ولا طبيب
قالوا ع البنية .. وياما قالوا
اللي في هواها .. يا عيني مالوا
ظلموا البنية يا عينيا .. و كل الحكاية .. عيون بهية
ياما ياما .. و ياما قلوب .. دوبها و ياما.. دوب
حسن الصبية .. ياما ياما
كل الولاد .. في اخر البلاد .. عشقوا البنية .. ياما ياما
غارت الصبايا .. حتى المرايا حسدت بهية .. و عيون بهية
عشقوا الصبية .. و ياما مالوا
قالوا ع البنية .. و ياما قالوا
(( موال .. و الموال بيختلف من حفلة للتانية ))
ياعم ياللي بلا عم .. تعالى اما اعملك عمي
و ارفع بشأنك في البلد و اقول عليك عمي
مادام بحبك و اريدك .. عن خالي و عن عمي
ده ياما صاحب علوم و يغلبه راجل عامي
لكن الواطي مهما علي .. اصله يرد عليه
غلطان ياللي تقول لقليل الاصل يا عمي
..
عيني رأت غزاله واقفه مع الزيات
لا بتشترى زيت ولا بتفارق الزيات
انما لها جوز عيون سود وخدود حمر
بغمازات قولتلها ياحلوة تتجوزينى
قالت هات فلوسك هات
ناولتها المية فوق الالف .. قالت: اشرب بيهم شربات
دا غيرك عمللي سبع ملايين جنيهات ذهب
وسبع فدادين قصب خالين
من السوسه على بس بوسه ولسا بقوله هات
..
مش كل واحد طبل .. نقول عليه طبال
ولا كل من ركب الحصان .. خيال
ولا كل من مسك الريشة .. رسام
ولا كل من دق عالاوتار .. فنان
ولا كل من قال يا ليل .. نقول عليه ده قال
فن الليالي .. ده غالي
و العبد لله .. سيد مين يقول الليالي الحلوة و الموال
حاسب على مشيتك
ياللى دلوقت صحتك سانداك
بكرة تعد الخطاوي
وانت ماشي والعصا سانداك
الدنيا غرورة ياصاحبي وحتتحداك
والزمن عمال بيجرى مش حتستناك
تسمع نصيحتي اقولك
اعمل لاخرتك دايما . وارم الدنيا وراك
كلمات: محمد حمزة
الحان: بليغ حمدي