على خده يا ناس - محمد العزبي
على خده يا ناس مية ورده
قاعدين حراس دي مناهدة
و منين ينباس يا خي ايه ده
يسمحلي قال نقعد سوا
أشكيله من نار الهوا
يتمنع و يقولي يا ريت
يدلع من دلعه بكيت
ما هوش عارف بلوتي
ما داقشي حبي وانكوى
يا خي ايه ده
على خده يا ناس مية ورده
قاعدين حراس دي مناهده
و منين ينباس ياخي ايه ده
أنا قولت أحبك و النبي
و الحب ديني و مذهبي
يستعجب من دي الأقوال
ويتيّه ده كله دلال
يحرمني من نور طلعته
لكن بحبه يا قسمتي
يا خي ايه ده
على خده يا ناس مية ورده
قاعدين حراس دي مناهده
و منين ينباس يا خي ايه ده
بيقولي حاسب وجنتي
و إوعى تقطف وردتي
ويبعد عني و أدوب
و المهجه مش قادرة اتوب
مش قادر احكم مهجتي
وهوايا ومشربي
يا خي ايه ده
على خده يا ناس مية ورده
قاعدين حراس دي مناهده
و منين ينباس ياخي ايه ده