صباح النور - كمال حسني

صباح النور على البنور

على روحي على عينيا 

يا مالية البيت عليا سرور

حياتك عندي بالدنيا

سنين وايام وانا بتمنى ليا آنيس

يكمل ديني ويكون لي في بيتي ونيس

لحد ما شاورت القسمة

عليكي والنصيب غلاب

وكلمة بعدها كلمة 

وباركوا الاهل والاحباب

يا مالية البيت عليا سرور

حياتك عندي بالدنيا

يا صاحية الليل وسهرانة على عيالي

يا صاينة بيتي ومحافظة على مالي

انام والفرحة في قلبي 

واصحى والوجود بسام

ويكبر كل يوم حبي

وشوقي يزيد مع الايام

يا مالية البيت عليا سرور

حياتك عندي بالدنيا

نسيت جنبك ليالي عشتها حيران

وشوفت معاكي في الدنيا النعيم الوان

يهون الصعب في عينيا 

واشوفك بس مرتاحة

ومهما تعبت في الدنيا 

الاقي في التعب راحة

يا مالية البيت عليا سرور 

حياتك عندي بالدنيا

حبي انا - كمال حسني

حبي انا .. حبي انا

لو قسموه وفرقوه 
بين القلوب مليون سنة

ما يبقى فيه الا حبيب يهوى حبيب 
ولا تلقى غير ود وهنا

شوف قد ايه .. شوف

اااه حبي أنا

حرف من اسمك في كلمة يزيد حنيني
لمحة من نورك في نجمة تهني عيني
همسة من نشوة عبيرك بتناديني
في كل همسة وفي كل لمحة
لروحي بهجة والقلب فرحة

شوف قد ايه .. شوف

اااه حبي أنا

كان فين ربيع الحياة
اللي جمعني عليك
والعمر كان فين هناه 
من قبل ما اشوف عينيك
وقلبي في الدنيا تاه
لاقى الآمان بين ايديك
من يومها قلبي
بيحب حب ما خطرش ابداً
على اي قلب 

شوف قد ايه .. شوف

اااه حبي أنا

كلمات: مأمون الشناوي
الحان: محمد الموجي

عند بيت الحلو - كمال حسني

عند بيت الحلو هدي حبتين 

هدي لما اشوفه قاعد ولا فين

عند بيت الحلو هدي .. هدي

هدي حبه دي المحبة

 شوقتني من زمان

جيت ازوره بانلي نوره 

من بعيد قبل الاوان

هو فرحة عمري كله 

هدي حبه لما اقوله

كنت فين يا حلو قوللي من يومين

طال عليا الليل كأنه جمعتين

عند بيت الحلو هدي .. هدي

عايز اقوله قلبي عايش في هواك

قلبي ده اللي انت سقيته نار قساك

بيصالحني .. لما تبقى راضي عني

ويخاصمني .. لما تحرمني رضاك

يا حبيبي ليه تبيعه 

والغرام لسه في ربيعه

ده انت عنده اغلى من كلمة حبيب

بس ليه تقسى زي الغريب

عند بيت الحلو هدي .. هدي

كلمات: محمد البحطيطي

الحان: عبد العظيم محمد

انا هنا والقلب هناك - كمال حسني

انا هنا والقلب هناك .. والحب ظالمني معاك 

خلاني اعيش من غيرك .. وكأن اعيش وياك

انا هنا والقلب هناك 

يا حبيبي انا غايب عنك وانا عارف حبك ليا
لو كان الهجر دا منك كان هان الوجد شوية
لكن مش ذنبك ولا ذنبي في عذاب قلبك وعذاب قلبي
وابعد علشان انساك .. زودلي البعد هواك

خلاني اعيش من غيرك .. وكأن اعيش وياك

انا هنا والقلب هناك

انا فاكرك وانت فاكرني وياريت انسى وتنساني 
ما بقولش ان انت هاجرني ولا كنت سبب حرماني
والقرب نصيب والهنا قسمة
يا دوب يا تفوت زي النسمة 
والقلب اللي بيهواك بينادي عليك ذكراك

خلاني اعيش من غيرك .. وكأن اعيش وياك

انا هنا والقلب هناك

هذا اللّحن أعدّه الموسيقار فريد الأطرش للمطرب كمال حسني
الّذي أدّاه في فيلم «ربيع الحبّ» عام 1956 أمام المطربة شادية..