ارجع لحياتك - وردة الجزائرية
إرجع لحياتك من تاني
علشانك وكمان علشاني
لا أنا ح ارضى أكون اللي في بالك
ولا ح ارضى يدوب أملي خيالك
وكفاية .. أنا وانت بقينا حكاية
يا تقول للناس إني حبيبتك
يا تسيبني في حالي وتنساني
حبك عجيب بيحب يفضل في الظلام
من خوفه من اللي
في هوانا قال أو مرة لام
عايز تحب يدوب تحب و احب أنا
من غير ما تبقى أي غاية لحبنا
لكن لغاية إمتى لأ .. لابد ننهي المسألة
وكفاية .. أنا وانت بقينا حكاية
يا تقول للناس إني حبيبتك
يا تسيبني في حالي وتنساني
حلو الكلام لما بيبقى يدوب كلام
وانت عليك رقة في كلامك ياسلام
بتخلي كل الدنيا غنوة ملونة
حتى على الأغراب ما بالك بيا أنا
لكن لغاية إمتى لأ .. لابد ننهي المسألة
وكفاية .. أنا وانت بقينا حكاية
يا تقول للناس إني حبيبتك
يا تسيبني في حالي وتنساني
كلمات: عمر بطيشه
ألحان: صلاح الشرنوبي