ساعات بشتاق - محمد فؤاد
ساعات بشتاق ليوم عشته وانا صغير
لشكلي قبل ما اتغير
لايام فيها راحة البال
عشان كنا ساعتها عيال
ساعات بشتاق للحب القديم
و لصوت عبد الحليم
لنومي في حضني لبس العيد
و احساسي ان بكرة بعيد
لفنجان قهوه من امي ونا بذاكر
لفرحه ابويا لما انجح واكون شاطر
للمة عيلة في الصيف لما بنسافر
على مطروح
لأول لمسة من ايد اللي حبيتها
لضحكتها .. ورقتها .. وبرائتها
لدمعة في عيني يوم البعد خبيتها
وأنا مجروح
ساعات بشتاق ليوم عشته وانا صغير
لشكلي قبل ما اتغير
لايام فيها راحة البال
عشان كنا ساعتها عيال
ساعات بشتاق لخالي وعمي ولجدي
لحواديت من بتوع ستي
لليلة من ليالي زمان
لفرح بيملى كل مكان
ساعات بشتاق لبيتنا الكبير
ولناس مليانة خير
لا باتوا في مرة يوم شايلين
ولا عملوا حساب لسنين
للعب الكورة في الشارع في حتتنا
لأمي وهي بتعيد على جارتنا
لرمضان لما بنوره يهل على بيتنا
وكل مكان
حاجات عدا عليها سنين سابت فينا
صور جوانا عايشة زي اسامينا
ولا الدنيا ولا الايام تنسينا ليالي زمان
ساعات .. ساعات
لايام فيها راحة البال
عشان كنا ساعتها عيال
كلمات: عامر طعمة
الحان: خالد عز