لما الشتا يدق البيبان - علي الحجار
لما الشتا يدق البيبان
لما تناديني الذكريات
لما المطر يغسل شوارعنا القديمة والحارات
ألقاني جايلك فوق شفايفي بسمتي
كل الدروب التايهة تنده خطوتي
كل الليالي اللي في قمرها قلبي بات
مش جاي ألومك عاللي فات
ولا جاي أصحي الذكريات
لكني بحتجلك ساعات
لما الشتا يدق البيبان
كنا طفولة حب لسه في أوله
بنضم بإيدنا الحنين وبنوصله
خريف ندانا والشجر دبلان
بردانة كنتي وكنت أنا بردان
ضمت قلوبنا بشوق ولهفة نبضها
لما التقينا الخطوة عرفت أرضها
أجمل معاني الحب غنتها النايات
مش جاي ألومك عاللي فات
ولا جاي أصحي الذكريات
لكني بحتجلك ساعات
لما الشتا يدق البيبان
تتصوري رغم اننا شايفين طريقنا
بينتهي تتصوري
تتصوري لا عمري هأقدر عالفراق
ولا أنتي عمرك تقدري
لسه حنيني بيندهك رغم البعاد
ولسة زهرة حبنا بتطرح ميعاد
لكن بيغرق حلمنا في بحر السكات
مش جاي ألومك عاللي فات
ولا جاي أصحي الذكريات
لكني بأحتجلك ساعات
لما الشتا يدق البيبان
لما الشتا يدق البيبان
لما تناديني الذكريات
لما المطر يغسل شوارعنا القديمة والحارات
القاني جايلك فوق شفايفي بسمتي
كل الدروب التايهة تنده خطوتي
كل الليالي اللي في قمرها قلبي فات
مش جاي ألومك عاللي فات
ولاجاي أصحي الذكريات
لكني بحتجلك ساعات
لما الشتا يدق البيبان
كلمات: ابراهيم عبد الفتاح
الحان: احمد الحجار