ما تفوتنيش انا وحدي بصوت عماد عبد الحليم
وحياتك يا حبيبي ريح قلبي معاك
غلب الحب معايا وتعب الشوق وياك
ما تفوتنيش انا وحدي افضل احايل بيك
ما تخليش الدنيا تلعب بيا و بيك
خلي شوية عليا وشوية عليك
عمر هوانا بيجري بيجري شوف راح من كام
ساعة شوق ومحبة وشهر بعاد وخصام
ويبقي الحب تايه مش عارف احنا فين
زي المركب ماتبقى محتارة بين شطين
لكن لامتي يا عيوني انت نبقي حبايب
ومش حبايب لحد امتى
وارجع تاني اقول لك ريحني الله يخليك
عشان المركب تقدر تمشي بي وبيك
ما تفوتنيش انا وحدي افضل احايل بيك
ماتخليش الدنيا تلعب بيا و بيك
خلي شوية علي وشوية عليك
اليل بدموعه قاسي ياويلي من سعاته
والصبر لسه ساكت وياويلي من سكاته
توعدني بفرحتي واستنى بضحكتي
زى الوردة ماتبقى مستنية الندى
و تغيب وتفتكر وتجيني وتعتزر
فين القلب الي يقدر يستحمل كل ده
وارجع تاني اقول لك ريحني الله يخليك
عشان المركب تقدر تمشي بي وبيك
ماتفوتنيش انا وحدي افضل احايل بيك
ماتخليش الدنيا تلعب بيا و بيك
خلي شوية علي وشوية عليك
كلمات: حسين السيد
ألحان: سيد مكاوي
