ادخلوها سالمين - شادية
ادخلوها سالمين .. ادخلوها آمنين
مصر بلد المؤمنين .. مصر بلد الطيبين
أولاد مصر .. أولاد مصر
لو لفيت الدنيا بحالها .. لو لفيت
و رحت و جيت و عرفت و شفت
و قلت لقيت جنتي وارتحت
واتمعت بسحر جمالها
لو لفيت .. لو
مش حتلاقي مهما تشوف
ارض محبة ما فيهاش خوف .. إلا في مصر
ادخلوها سالمين .. ادخلوها آمنين
ادخلوها
لو لفيت الدنيا بحالها .. لو لفيت
و توهت فى ليل الغربة و ضعت
و قلت يا ريتني ما كنت سافرت
رحلة كانت من اولها
ما فيهاش يوم حسيت بأمان
يبقى ضاع منك عنوان .. بلدك مصر
ادخلوها سالمين .. ادخلوها آمنين
ادخلوها
لو لفيت الدنيا بحالها .. لو لفيت
ولقيت بيت مفتوح الباب
و مرحب مية مرحب يا أحباب
و شوق بعيون صادقة فى كلامها
و اهلا بيك من صوت ملهوف
ده انت في بيتك و احنا ضيوف
تبقى فى مصر
ادخلوها سالمين .. ادخلوها آمنين
ادخلوها
لو لفيت الدنيا بحالها .. لو لفيت
و فيها زرت بيوت الله
واتمنيت تسعد بصلاة
لو لفيت الدنيا بحالها .. لو لفيت
مش حتلاقي في اى مكان
شعبه حياته في الإيمان .. إلا فى مصر
ادخلوها سالمين .. ادخلوها آمنين
ادخلوها
كلمات: ابراهيم موسى
ألحان: بليغ حمدى