محتار يا قلبي - صباح

محتار يا قلبي ما بين الاتنين

والحيرة يا قلبي دي جاتني منين

فيه واحد بس تحبه وبس

كداب ان قلت بحب اتنين

انا عارفه حبيبي وبستناه

وغيابه ان طول مش حانساه

وان قلت التاني شغلني هواه

طاب قولي التاني اوديه فين

فيه واحد بس تحبه بس

كداب ان قلت بحب اتنين

فكر قبل ما تحلم بيه

في اللي انت وعدته ومستنيه

ده الليل ما تشوفش قمرين فيه

ولا شوفنا في اي نهار شمسين

فيه واحد بس تحبه بس

كداب ان قلت بحب اتنين

الحب كده ونتحير ليه

وحبيبك بس عمل فيك ايه

ما تشوف لك بر وترسي عليه

ولامتى حتفضل بين شطين

فيه واحد بس تحبه بس

كداب ان قلت بحب اتنين

كلمات: فتحي قورة
الحان: فريد الاطرش

اغاني زمان