ارخي الستاير - هدى سلطان
ارخي الستاير عاللي فات
ياما حنفرح والنبي
ما تقولش عمر الحب فات
ده الحب ما شاء الله صبي والنبي
ما تقولش تاني الحب فاني
ده الحب دايماً ملو القناني
وملو قلبي حبك وحبي
وملو حبي ورد وأغاني
يا روحي لبي غني وسيبك من الآهات
وارخي الستاير عاللي فات والنبي
السهم يجرح والقلب يفرح
والضحكة تسكن في كل مطرح
السهم يرشق والقلب يعشق
وفي كل خطوة جنينة تفرح
الفجر شقشق وبكره جاي بمزيكات
ارخي الستاير عاللي فات والنبي
ارخي الستاير على قلب حاير
أنا قلبي بلبل في الجو طاير
اسمع كلامي افهم مرامي
وافتحلي بابك ده انا قلبي زاير
ياهمومي نامي أنا وحبيبي في التبات
ارخي الستاير عاللي فات والنبي
كلمات: صلاح جاهين
الحان: سيد مكاوي
