الله يرضى عليك يا ابني - وديع الصافي
الله يرضى عليك يا ابني
ضهري انكسر والهم دوَّبني
خد ليلى بنت ضيعتنا
ترتاح معها وما بتتعبني
خد ليلى بنت ضيعتنا
بنت عيلة متل عيلتنا
وبتعيش يا ابني متل عيشتنا
اسماع مني ولا تجاوبني
الله يرضى عليك يا ابني
بنت المدينة بدها خدام
الا عَ ريش نعام ما بتنام
ليلى يا ابني ان جارت الأيام
بتعيش عالزيتون والجبنة
الله يرضى عليك يا ابني
سوسو ما عندها عليك حنية
ومعوَّدة عالرقص ليلية
ابعد عنها وخود عيني
وخود روحي ولا تعذبني
الله يرضى عليك يا ابني
الله يرضى عليك يا ابني
صارلي عمر يا ابني بربي فيك
وتحت فية جانحي بخبيك
يا ابني ع درب الخير عم بهديك
الله يرضى عليك يا ابني
كلمات: توفيق بركات
ألحان: وديع الصافي