قد ايه انت واحشني - نجاة علي
قد ايه انت واحشني .. قد ايه
قد ايه بشتاق اليك .. قد ايه
كل ساعة اعد واحسب
واسأل الايام عليك
قد ايه انت واحشني .. قد ايه
مرت الايام عليا بين حنيني وذكرياتي
انت غايب عن عيني والفضا شاغل حياتي
افتكر ايام خصامك وافتكر ايام رضاك
سهر الاشواق غرامك حير الافكار هواك
انتظر واترجى طيفك
امتى تيجي وامتى اشوفك
قد ايه انت واحشني .. قد ايه
قد ايه انت واحشني .. قد ايه
قد ايه بشتاق اليك .. قد ايه
كل ساعة اعد واحسب
واسأل الايام عليك
قد ايه انت واحشني .. قد ايه
كل فجر جديد ينور عالوجود الاقيك في نوره
في الغصون لما تزهر في القمر ساعة ظهوره
افتكر فرحة هوايا والزمان راضي عليا
طال مع الايام قسايا فين لياليك الهنية
انتظر واترجى طيفك
امتى تيجي وامتى اشوفك
قد ايه انت واحشني .. قد ايه
قد ايه انت واحشني .. قد ايه
قد ايه بشتاق اليك .. قد ايه
كل ساعة اعد واحسب
واسأل الايام عليك
قد ايه انت واحشني .. قد ايه
كل صوت ينده عليا من حنيني افتكره انت
واسألك يا نور عينيا يوم لقانا فين وامتى
قلبي يشرحلك هوايا واشتكيلك باللي بيا
وافتكر انك معايا والخيال يكدب عليا
انتظر واترجى طيفك
امتى تيجي وامتى اشوفك
قد ايه انت واحشني .. قد ايه
قد ايه انت واحشني .. قد ايه
قد ايه بشتاق اليك .. قد ايه
كل ساعة اعد واحسب
واسأل الايام عليك
قد ايه انت واحشني .. قد ايه
كلمات: محمد علي احمد
الحان: زكريا احمد