فارس احلامي - شادية

فارس أحلامي حبيب قلبي وحبيب أيامي

عايزاك تفهمني وتحقق صورة أحلامي

تعاملني بقسوة وحنية
تجرحني وتداري عليا

ونقضىي ساعات في الملاغية
زي الأفلام الغرامية

عايزة حياتنا تكون على طول مشحونة عواطف

جد وهزل ورعد وبرق وريح وعواصف

عايزة احس بحب طاغي نور ونار

حب يملالي فراغي ليل نهار

وساعتها حاقول انت حبيبي

فارس احلامي حبيب قلبى وحبيب ايامي

انا عايزة النا س يتكلموا عنك

ويشاوروا عليك ويخافوا منك

واسمع عنك الف مغامرة والف حكاية

كل مغامرة يكتبوا عنها الف رواية

تسهر الامل وتضيع الملل

وتخلي كل ليلة وياك شهر عسل

وساعتها حاقول انت حبيبي

فارس احلامي حبيب قلبي وحبيب أيامي

يا حبيب أيامي ايامي ايامى

يا حبيب أحلامي احلامي احلامي

مش بقولك الكلام ده يعني بهرب من حياتي

ده انت حب العمر كله وانت احلى ذكرياتي

انا وياك على عهدي وحياة حبك عندي

بس حاحبك اكتر لما حتفهم قصدي

وساعتها حاقول انت حبيبي

فارس احلامي وحبيب قلبي وحبيب ايامي

كلمات: خليل البنداري
الحان: منير مراد

اغاني زمان