قطر الفراق - شادية
على فين على فين
ما تقولوا رايحين على فين
ناويين خلاص ع السفر
ما تقولوا رايحين فين
رايحين تغيبوا سنة وللا تغيبوا سنتين
ما تقولوا على فين
من يوم ما جانا الخبر واحنا حزانا
روحنا اتحايلنا عشان يبقوا معانا
قالوا يا ريت قادرين .. وللا بإدينا
كنا قعدنا سنين .. كان من عينينا
فاضل دقيقة زمن .. وبعدها ماشيين
يا ريت يا قطر الفراق .. يأخروك ساعتين
رايحين تغيبوا سنة ولا تغيبوا سنتين
ما تقولوا على فين
حكم علينا الزمن تبكي عينينا
على فراق أحباب غاليين علينا
عمره ما كان والنبي يخطر في بالنا
يقسى علينا الزمن .. ولا كان عشمنا
والصبر من بعدكم نجيبه بس منين
يا ريت يا قطر الفراق .. يأخروك ساعتين
رايحين تغيبوا سنه ولا تغيبوا سنتين
ما تقولوا على فين
كلمات: محمد حمزة
الحان: بليغ حمدي