السعادة - محمد رشدي
السعـــــادة .. ليها ناس وناس
طول حياتنا واحنا منها محروميـن
السعـــــادة .. ليها ناس وناس
انت ناسي ليه يا قلبي احنا مين
احنا اتخلق الحزن عشانا
احنا اتولد الجرح عشانا
كله زرع في طريقنا الشوك
كله ظلمنا وباعنا وخانا
احنا نحب بكل ضميرنا
نعشق نوفي نحس بغيرنا
واما بنبقى في وسط النار
كله في لحظه بينكر خيرنا
ايام بتمر وطعم المر ولا بيدوب
جربت الصبر شربت الصبر بقيت ايوب
الدنيا يا قلبي خلاص حرمتنا من الأفراح
سكتنا الم ضحكتنا دموع غنوتنا جراح
اغراب عن ناسنا واهالينا
ولا شاطيء ولا مرسى ولا مينا
ولا الأيام حتنسينا احنا مين
احنا اتخلق الحزن عشانا
احنا اتولد الجرح عشانا
كله زرع فى طريقنا الشوك
كله ظلمنا وباعنا وخانا
احنا نحب بكل ضميرنا
نعشق نوفي نحس بغيرنا
واما بنبقى فى وسط النار
كله في لحظه بينكر خيرنا
ليه الأخلاص .. فى الدنيا خلاص
ما بقاش موجود
ليه اغلى الناس ... واعز الناس
خانوا الوعود
حبيت وهويت ووفيت واديت
من عمري كتير
كان قلبي جبل كان جرحي قوي
كان حمل كبير
ويا الأيام جينا وروحنا
ملناش اصحاب الا جروحنا
عمالة تغير ملامحنا الـسنين
احنا اتخلق الحزن عشانا
احنا اتولد الجرح عشانا
كله زرع فى طريقنا الشوك
كله ظلمنا وباعنا وخانا
احنا نحب بكل ضميرنا
نعشق نوفى نحس بغيرنا
واما بنبقى في وسط النار
كله في لحظه بينكر خيرنا
راحوا فين ايامنا .. وفين احلامنا
وفين يا زمان
فين طيبة القلب .. وفين الحب
ليه كله هان
انا ابويا واخويا وولدي وبلدي كان الموال
غنيت للعاشق والمجروح وخلي البال
غنيت للدمعة وللفرحة
والدنيا الغدارة الجارحة
لما انا احزاني بقت طارحة
غنالي ميـن ... غنالي مين