نساية - لطفي بشناق

نسّاية نحبك وانت نسـاية

نساية من وقـــــــت الصــــــغرى والقراية

انحبك انا
من وقـــــــت اللي سكـنتوا حذانا

وشفت على خدك رمانة

ك تحكي تخــــــليني حكاية

وكنا صغار
نخاف من الغــــــــــــــول والطـــهّار

ونحــــــــشم من خزرة الكبار

ونصطاد النجمة بغناية

نحبك برشا

م اللي تخيلتك في الممشى

قمرة حفيانة تتمشى

خزرت انثبت شفتك جايا

وكنتي تراني تعمل عليا بالعالي

قنديل باب منارة الثــــاني

ما تضوي كان ع اللي حذايا

كل عشـــية كنت نحبك تفطـن بيا

نخرجلك لابس شاشـية

وبدعية وجبّة قمرايا

وبقلماتي نعـمل روحي بشنباتي

ونسرقلك حُمير اخواتي

ونمثـــــل عرس وغنّاية

أيامات وانا عايش كالبايات

في مكتوبي خمـسة بيسات

ونحسب روحي ثروة معايا

رحلة غريبة ومابين ضحكة ودمعة سكـيبة

ريت في شعري أول شيبة

فطنت بصغري صار ورايا

وهاني اليوم نـشوفك في اليقظة وفي النوم

ونضفرلك ذكـرى مشموم

نهديه لبنتي بحذايا

وعقلي سارح سـؤال قديم وجارح

اش عملنا بأحلام امبارح

واش نعمل بأحلامنا الجاية

كلمات: ادم فتحي

الحان: حمادي بن عثمان

اغاني زمان