اليومين دول قلبي ماله - سعد عبد الوهاب
اليومين دول قلبي ماله
قلبي ليه مش زي حاله
دق دقة فيها رقة
قولت قلبي ايه جراله
اليومين دول قلبي ليه
دقته زادت عليه
وانشغل وشغلني ليه
هو عاشق وللا ايه
يا ترى ايه اللي جاله
قلبي ليه وازي حاله
دق دقة فيها رقة
قولت قلبي ايه جراله
مين يا قلبي .. مين حبيبك
مين حيبقى .. من نصيبك
واللي قايد نار لهيبك
رح يصونك او يسيبك
مين يا قلبي
اليومين دول قلبي ماله
قلبي ليه مش زي حاله
دق دقة فيها رقة
قولت قلبي ايه جراله
كلمات: عبد العزيز سلام
الحان: سعد عبد الوهاب