يا مجربين الهوى - شادية

اللي بيعشق ليه

يبان هواه في عينيه

يا مجربين الهوى

العشق سره ايه

بيقولوا اوله لما تبص له
والعين تناجي العين

من نظره والتانيه الحب في ثانيه
بيشبك القلبين

والسن يضحكله والقلب يندهله
ويقوله رايح فين

واللهفه ويا الشوق ياخدوك معاهم فوق

طاير على جناحين

والحب امره عجيب
من غير سلاح بيصيب

وجرحه ماله طبيب
والناس دي ملك ايديه

يا مجربين الهوى

العشق سره ايه

ويقولوا رقته هي وقسوته
حتحبهم التنين

ينحب في الحيره .. ينحب في الغيرة
ينحب في الحالتين

في الحب ليه تشكي
ياللي عليه تبكي

ضحكة عيونك فين

اضحك ولا تقاسي مادمت مش ناسي

ان الحياه ساعتين

جدد شباب حبك
وافرحله من قلبك

الذنب مش ذنبك
عايش في حزنك ليه

يا مجربين الهوى

العشق سره ايه

كلمات: انور عبد الله

الحان: فريد الاطرش