عندي سؤال - دويتو هدى سلطان ورياض السنباطي
هو: عندي سؤال وعاوزله جواب
هي: اسأل وانا روحي تجاوبك
هو: مدام بقينا خلاص احباب
عايز اسألك
هي: اسأل قلبك
هو: عايز اسمع منك الكلمة
اللي في بالي
قوليهالي حتى من غير
ما تقوليهالي
هي: ماقولتهالك في كل نظره
عدد رموش العين
وكتبتهالك في كل مرة
على الخدود سطرين
تحب اقولهالك تاني
هو: عرفتها وارتاح قلبي
هي: بحب الماضي وعذابه
اللي قاسيته انا قبلك
عشان لولا العذاب عمري
ما كنتش حاقدر اوصلك
واحب الحاضر اللي احنا
تقابلنا فيه وفرحنا
واحب بكرة مادام
حاعيشه معاك بآمالي
وعمر بكرة قبل النهاردة
ما فات على بالي
يسمحلي استاذ الخيال
اسأل انا ايضاً سؤال
هو: خايف يكون السؤال
في قلبك انتي كل جوابه
هي: ده القلب بس النهاردة
عايز جواب من احبابه
بتحب فيا ايه
هو: كل ما صادف اي جمال
جمالك انتي في عيني يزيد
الاقي قلبي حن ومال
واحب من اول وجديد
كلمات: حسين السيد
الحان: رياض السنباطي
كلمات: حسين السيد
الحان: رياض السنباطي