انا اسمي ايرما لادوس - شادية
لا للا للا للا للا .. إيرما لادوس
أنا اسمي ايرما لادوس
ياما العشاق خدوا مني .. خدوا مني دروس
عندي أحلام مليانة كلام مش أي كلام
ده كلام بفلوس وي وي
أدخل في عينيك وأمسي عليك
و أمشي بتكتيك تكتيك مدروس وي وي
هيهزك شوق ياخدك على فوق
وليالي الشوق لها عندي قاموس
أنا ايرما ايرما لادوس
أنا ايرما ايرما لادوس
كل الستات بيغيروا مني مش عارفه ليه
ماما وبابا عملوني حلوة أنا ذنبى ايه
دمي شربات وتري ديليكات
والحلويات لها ذوق مخصوص
أنا ايرما ايرما لادوس
أنا ايرما ايرما لادوس
أدخل في البارتي تكون واحدة وجوزها قاعدين
تتكهرب ساعة ما تشوفني يروحوا متخانقين
علشان قال ايه جوزها ندهلي بعينه اليمين
راجل يا حرام في بقلبه كلام
لكن المدام قاعداله كابوس
أنا ايرما ايرما لادوس
أنا ايرما ايرما لادوس
كلمات : حسين السيد
الحان : منير مراد
من فيلم : عفريت مراتى 1968